Folk-Metal

Folk-Metal is eene Musiksort, in de Metal un tomiärst kultureegene Folkmusik metnanner vösmolten wäern. To den Begriëp „Folk-Metal“ höert aower nich de Vömiskung van Metal un butereuropääsk Volksmusik, wu to’t Bispiël Max Cavalera. Buterdem is dao een Unnerschaid tüsken Folk-Metal un Middeloller-Rock, in den swaorens folkloristiske Instrumente vöwännt wäert, sik aower mäer an de Rockmusik anliënt. Män de Grensen sünt nich akkraot to trecken.

Geschichte

Skyclad uut Newcastle upon Tyne wäert äs Erfinner van den Folk-Metal näömt. Se häbt up iär iärsten Album "The Wayward Sons Of Mother Earth" uut dat Jaor 1991 to't iärste Maol Bausteene van de ingelsken Folklore un Metal metnanner vöknüpt.

Ennige Kapellen

De Kapellen küent tomiärst in twe vöschaidene Ruoten indeelt wäern. Eendeels Kapellen met nordisken Inflööt, de sik an skadinavisken Sagen of nordisker of finnisker Mythologie bedaint un sik an skandinavisker Volksmusik orienteert. Annerndeels de keltisk inflöötet de sik ,jüst äs de nordisken Kapellen, op iäre Wies an de keltisken Kultuur bedaint. Et giw aower ook Kapellen de nich in düsse twe Ruoten passt.

Met nordisken Inflööt

• Butterfly Temple
• Ensiferum
• Finntroll
• Heidevolk
• Korpiklaani
• Lumsk
• Metsatöll
• Midnattsol
• Trollfest
• Týr
• Vintersorg

Met keltisken Inflööt

• Cruachan
• Eluveitie
• Mägo de Oz
• Primordial
• Skyclad
• Tuatha de Danann

Ännere

• Lyriel: Eegenbeteeknung: Dark Romantic Celtic Rock
• Skyforger: Black Metal met Folk-Inflööt; met Teksten uut de lettiske Mütologie un Geschicht