Football-Weltmeesterschop 2014

De Endrunn to de 20. Football-Weltmeesterschop 2014 warrt vun'n 13. Juni bit to'n 13. Juli 2014 in Brasilien utspeelt weern. So hett dat de FIFA an'n 30. Oktober 2007 in Zürich beslaten.

Ricardo Teixeira (links), Präsident vun den brasiliaanschen Football-Natschonalverband CBF, und de Staatspräsident Lula mit dat brasiliaansche Logo, wo se sik mit bewurben hefft.

Wie de WM vergeven wurrn is

In'n Dezember 2006 harr ok de Federación Colombiana de Fútbol (Kolumbien) verklaart, se wollen de Weltmeesterschop 2014 in ehr Land holen^[1], man an'n 11. April 2007 hefft se al Bott geven^[2] De CONMEBOL, wat de süüdamerikaansche Football-Konföderatschoon is, harr sik fastleggt up Brasilien as eezig Land, wat vörslahn weern scholl för de WM. Dat keem dorher, datt in dat Johr 2014 de brasiliaansche Footballverband Confederação Brasileira de Futebol (CBF) 100 Johre oolt warrt. An'n 30. Oktober 2007 hett Brasilien denn in Zürich den Toslag kregen. Dor hett Brasilien de tweete Weltmeesterschop in ehr Land mit, nadem to'n eersten Mol in dat Johr 1950 Brasilien Gastgever ween weer. Automaatsch is Brasilien dor ok de Utrichter vun den Conferderation-Cup 2013 mit.

Wo speelt weern schall

17 Städer wollen geern de Footballspeele von de WM in ehre Stadions hebben. Ut düsse 17 hett denn de FIFA twolf Städer utsöcht un an'n 31. Mai 2009 bekannt geven.^[3] Dor hannelt sik dat bi um:

Belo Horizonte
Brasília
Cuiabá
Curitiba
Fortaleza
Manaus
Natal
Porto Alegre
Recife
Rio de Janeiro
Salvador da Bahia

Dat Endspeel schall in Rio de Janeiro ween. Nich mitmaken dröövt de Städer Belém, Campo Grande, Florianópolis, Goiânia un Rio Branco, de sik ok mellt harrn. An'n 14. Juni 2010 is bekannt wurrn, datt in São Paulo is, um dat Stadion ut to boen un up Schick to bringen. Vundeswegen finnt bi de WM 2014 keen Speel in São Paulo statt.

Belege

↑ Pressemitteilung der FIFA zur Ausrichtung der WM 2014
↑ Kolumbien zieht Bewerbung zurück
↑ WM-Spielorte stehen fest, FIFA.com, 31. Mai 2009

Football-Weltmeesterschoppen för Mannslüde

[1] Pressemitteilung der FIFA zur Ausrichtung der WM 2014

[2] Kolumbien zieht Bewerbung zurück

[3] WM-Spielorte stehen fest, FIFA.com, 31. Mai 2009

[1]

[2]

[3]