François Turrettini

François Turrettini (* 17. Oktober 1623 in Genf; † 28. September 1687 ok dor) weer en Genfer reformeerten Theoloog ut de Genfer Theologenfamilie Turrettini.

Turrettini is 1623 as Söhn von’n Genfer Theologieperfesser Bénédict Turrettini boren. He hett in Genf, Leiden, Utrecht, Paris, Saumur, Montauban un Nîmes studeert un is na siene Studien 1648 Pastoor in Genf worrn. 1653 is he Perfesser för Theologie an de Genfer Akademie worrn. Tohoop mit Johann Heinrich Heidegger hett he 1674 den Consensus Helveticus gegen Moyse Amyraut schreven. Wieldes he sülvs to de strenge calvinistische Orthodoxie höört hett, is sien Söhn Jean-Alphonse Turrettini tohoop mit Jean Frédéric Ostervald un Samuel Werenfels en Wegbereider von Pietismus un Opklärung worrn.