Francesco Janich

italienschen Footballspeler

Francesco Janich (* 27. März 1937 in Udine; † 2. Dezember 2019 [1]) weer en italieensch Footballspeler, de wiels sien aktiv Loopbahn all tosommen 425 Spelen in de Serie A maakt hett un somit to de Rekordspeler in de italieensch Liga tellt. Janich speel up de Positschoon vun den Libero un hett ok Lännerspelen för de italieensch Football-Natschonalmannschap bestreeden.

Francesco Janich

Karriere ännern

Francesco Janich fung sien Profi-Karriere bi Atalanta Bergamo an, wo he an’ 16. September 1956 bi en 0:2-Nedderlaag gegen den SSC Neapel sien Debüt in de Serie A geev. Keem he in de eerst Saison blots up söss Insatzen, sett he sück in dat tweet Johr as Stammspeler dör. 1958 wessel he to Lazio Rom, wo he noch in dat sülvig Johr de Coppa Italia wunn. 1961 is he nochmals wesselt, ditmal to’n FC Bologna wo he de längste un spoodriekste Tiet vun sien Loopbahn hemm sull. In insgesamt negen Speeltieden broch he dat up 294 Liga-Insätze. In der Saison 1963/64 hett he mit sien Club de italieensch Meesterschap reckt un 1969/70 un 1973/74 de Coppa Italia.

Janich wurr 1962 eerstmals in de Italieensch Football-Natschonalmannschap beropen, för de he an’ 2. Juni 1962 bi de 0:2-Nedderlaag gegen de Mannschap ut Chile sien Debüt geev. Ofschons he blots up söss Insatzen in de Squadra Azzurra keem, hett he an twee Footballweltmeesterschapen (1962 un 1966) deelnommen.

För de italieensch Serie A hollt Janich bit hüüd en kuriosen Rekord. He speel de meest Spelen an’ Stück (425) ahn ok blots een Door schaaten to hemm, hüm gelung also in sien gesamt Profi-Loopbahn kien een Door.

Erfolge ännern

  • Mitropapokal-Sieger: 1961
  • Italieensch Meester 1964
  • Coppa-Italia-Sieger: 1958, 1970 un 1974
  • Engelsch-italieensch Ligapokal-Sieger: 1970

Weblenken ännern

Enkeld Nahwiesen ännern

  1. https://www.corrieredellosport.it/amp/news/calcio/serie-a/2019/12/02-64084673/e_morto_franco_janich_ex_calciatore_di_bologna_e_lazio/