Francesco Rognoni
Francesco Rognoni Taeggio (* nah 1570 in Mailand; † nah 1626) is en Komponist un Vigelinspeeler ut Italien ween. He weer Spraat vun eene bekannte Muskantenfamilie un hett toeerst in Deensten bi den poolschen König Sigismund III. stahn. Vun 1608 af an weer he in Mailand togange. He hett as en wunnerboren Flöten- un Vigelinspeeler gollen. 1608 un 1624 hett he en Struuß polyphone Musik rutgahn laten, 1613 en Hümpel Madrigale. Sien meist beröhmt Wark is de Selva de varii passaggi. Dor lett he sik gründlich ut över de Sing- un Vigelintechnik un över de Aart, de Musik up to smücken (Diminutschoon). Sien Vadder Riccardo Rognoni warrt ok as Verfater vun en Lehrbook över de Diminutschoon ankeken. Ok sien Broder Giovanni Domenico Rognoni is Musikus ween. Francesco Rognoni siene Schriften weert hüdigendags vun de Musikwetenschop utforscht, üm dor wat över to lehren, wie fröher de Musik upföhrt wurrn is (Histoorsche Musikpraxis).
Literatur
ännern- Selva dei vari passaggi secondo l'uso moderno, per cantare et suonare con ogni sorte de stromenti, divisi in due parti. (1620) Nee upleggt up Italieensch 2002. Verlag: Forni ISBN 8827129464