Frauke Ludowig
Frauke Ludowig (* 10. Januar 1964 in Wunstorp) is en düütsche Moderatorsche in Radio un Feernsehn.
Frauke Ludowig arbeit bi dat Feernsehn för den Senner RTL. Se wesselt sik u. a. mit ehren Kollegen Leonard Diepenbrock af bi dat Modereern vun de Sendung Exklusiv- Das Starmagazin. Wat dor verhannelt warrt, steiht faken ok in de Regenbogenpress to lesen. Vun 2004 af an hett se ok jährlich den Domino Day modereert. Af un an weer se ok bi dat Lifestyle-Magazin Life- Die Lust zu Leben mit bi. Düt Programm is normolerwies bloß in de Summertiet to sehn. Ok Berichten över Hochtieden ut königliche Familien, Gräffnissen un allerhand Spektakel mit VIP-Lüde höört bi RTL to ehre Upgaven.
Ehr dat se na dat TV gahn is, hett se bi radio ffn un RIAS 2 dör de Fröhsendungen dörföhrt.
An'n 3. Mai 2003 hett se den Creativ Director Kai Roeffen (*1961) heiraat. Mit em hett se de beiden Döchter Nele un Nika.
Utteknungen
ännern- 2000: Goldene Feder in de Kategorie TV-Magazin