Hauptmenü öffnen
Frederick Dewhurst Yates, um 1925

Frederick Dewhurst Yates (* 16. Januar 1884 in Leeds; † 10. November 1932 in London) weer en engelsch Schachspeler.

LevenÄnnern

Yates hett 1913, 1914, 1921, 1926, 1928 un 1931 de britisch Meesterschap wunnen. Bi internatschonalen Turnieren kunn he sück meestens nich ganz vörn platzeeren, aber in eenzelt Partien ok beteren Spelern gefährlich wurrn.

Bi dat Turnier in Hamborg 1910 hett Siegbert Tarrasch sück gegen sien Tolaaten för dat Turnier utspraaken, wiel he en to swaak Speler weer. Yates wurr denn ok tatsächlich Letzter, wunn aber jüst sien Partie gegen Tarrasch. He hett in sien Loopbahn aber ok mehrmals gegen Alexander Aljechin un Akiba Rubinstein wunnen. För sien Siegpartie gegen Aljechin 1923 in Karlsbad kreeg he sogor een vun dree Schönheitspriesen.

Mit de engelsch Natschonalmannschap nehm Yates an de Schacholympiaden 1927, 1930 un 1931 deel un reck as gröttsten Spood 1927 den darten Platz.[1]

Yates schreev över Schach in mehreren engelsch Daagblööt.

Sien best historsch Elo-Tall van 2596 reck he in’ Januar 1925.[2]

Dör en Köhlenmonoxidvergiftung dör en defekten Gasoven keem he up tragisch Oort un Wies to Dood.

Enkeld NahwiesenÄnnern

  1. Frederick Yates sien Ergevnisse bi Schacholympiaden up olimpbase.org (engelsch)
  2. Chessmatrics Player Profile afropen an’ 27. Mai 2015 (engelsch)

LiteraturÄnnern

  • F.D. Yates: 101 of my best games. Moravian Chess, Olomouc 2004, ISBN 80-7189-478-8, (Reprint der Ausgabe von 1934).
  • Dr. P. Feenstra Kuiper: 100 Jahre Schachturniere , 1964 W. ten Have N.V., Amsterdam