Frederick Duncan Michael Haldane

Frederick Duncan Michael Haldane (* 14. September 1951 in London) is en britisch Physiker, de in theoretischer Fastkörperphysik arbeitet. 2016 wurr hüm de Nobelpries för Physik tospraaken.[1]

Haldane (2016)

Leven ännern

Haldane studeer an de Universität Cambridge (Bachelor 1973), wo he 1978 ok sien Doktertitel maakt hett. 1977 bit 1981 wer he an dat Institut Laue-Langevin. 1981 bit 1985 weer he Assistant Professor an de University of Southern California. 1985 bit 1987 weer he bi den Bell Laboratories. Af 1987 weer he Perfesser an de University of California, San Diego un af 1990 an de Princeton University.

Wark ännern

Haldane hett Völdeelkenprobleme in de Fastkörperphysik mit nichtstörungstheoretischen Methoden ünnersöcht, ünner annern den Quanten-Hall-Effekt, Luttinger-Fleetigkeiten, Anyonen (Deelken mit ungewöhnlich Statistik) un eendimensionale integrable Systeme. To dat Verkloren vun den brakentahligen Quanten-Hall-Effekts hett he 1982 en Erweiterung vun dat Modell vun Robert Laughlin vörslahn, de sien Wellenfunktschoon nich för all brakentahligen Füllfaktoren defineert weer.[2] 1983 hett he [dormals unverwacht[3]) de Existenz vun en Haldane-Gap (Lücke in dat Spektrum vun de Anregungen) för ganztahlige Spins in' eendimensionalen Antiferromagneten vörslahn (de Lücke gifft dat aber nich för Spin 1/2 Anregungen).[4]

Ehrungen ännern

1993 Oliver E. Buckley Condensed Matter Prize, 2012 Dirac-Medaille vun dat International Centre for Theoretical Physics 2016 Nobelpries för Physik (tosommen mit David James Thouless un John Michael Kosterlitz).

1984 bit 1988 weer he Sloan Fellow. He is buterdem Fellow vun de Royal Society, vun de American Academy of Arts and Sciences (1992), de American Association for the Advancement of Science, de American Physical Society un vun dat Institute of Physics.

Weblenken ännern

Enkeld Nahwiesen ännern

  1. https://www.nobelprize.org/nobel_prizes/physics/laureates/2016/
  2. Duncan Haldane; Fractional quantization of the Hall effect: a hierarchy of incompressible quantum fluid states, Physical Review Letters, Band 51, Johr: 1983, Siet 605
  3. De Existenz vun masseloos Anregungen weer ut den Bethe Ansatz bekannt. Wiel dat in en Dimension aber kien langriekwiedig Ordnung gifft, weern dat kien Goldstonebosonen.
  4. Haldane Phys. Letters A, Band 93, 1983, S. 464 und Phys. Rev. Letters 50, 1985, S. 1153. Kiek Ian Affleck Quantum spin chains and the Haldane gap, J. Phys. (Condens. Matter), Band 1, 1989, S. 3047 (Review Artikel)