Freesch-Franksch Kriegen

De Freesch-Franksch Kriegen sünd verschedene Kriegen twüschen dat Frankenriek un dat frees’sche Hartogdom oder Königriek in dat 7. un 8. Johrhunnert. Dorbi hebbt sik Perioden van Freed un Krieg afwesselt. As dat losgüng mit de Kriegen, würr tomehrst bi dat Rhien-Delta streden. Mit de Tiet kemen de Franken jümmers fieter na’n Noorden un hebbt amenner heel Freesland innahmen.

Freesland in dat Johr 716

Dat Frees’sche Hartogdom keem so bi üm 600 n. Chr. tostannen un hett sik denn na Süüden utbreedt. Dat Resultat weern Konflikten mit dat Frankenriek. To de Tiet harr Audulf dat Regeer in Freesland un künn utnütten, dat dat Frankenriek swack weer. Ünner König Dagobert I. weer dat Frankriek wedder starker. De Franken besetten in 636 de Rebeden in’n Süüden van den Stroom Oude Rijn. Na’n Dood van Dagobert keem in 679 dat Rebeet wedder in de Hannen van de Fresen. As Redbad Hartog van Freesland weer (üm 680–719), wesseln sik Siegen un Nedderlagen för beide Sieden af. As Redbad storven weer, kemen de Franken wieter na Noorden hen. In 734 weern de Fresen in de Slacht an de Boorne slahn. Dornah künnen de Franken dat Rebeet twüschen Vlie en Lauwers innehmen. Blots dat Stück Freesland to’n Oosten van Lauwers bleev free. Uplest verlören 772 ok de Kuntreien in’n oosten van Lauwers jemehr Freeheit.

Dorna geev dat noch Opstännen in 783 en 793. Achteran weern de Kriegen twüschen Franken un Fresen vörbi un Freesland is en Deel van’t Frankenriek worrn.