Friedrich Hastedt

Friedrich Hastedt (* 23. September 1856 in Buxthu; † 13. Mai 1939 ok dor) weer en düütschen Möhlenbesitter un Ünnernehmer.

Hastedt is 1856 in Buxthu in de Möllerfamilie rinboren, de de Flethmöhl bedreven hett. Sien Vader weer Friedrich Ludwig Hastedt (13. November 1820–10. April 1886) un siene Moder Elise Dorothea, borene Steffens (24. September 1830–30. November 1897). De Flethmöhl weer later in Friedrich Hastedt sien Besitt. He hett dor ünner annern Nudelworen herstellt.

1918 hett Hastedt de Ünnerelvsche Beerbroeree köfft, de he 1921 in en Nudelworenfabrik ümwannelt hett. De Fabrik is 1936 an dat Ünnernehmen Birkel verköfft worrn.

He weer von 1905 bet 1924 Senater von de Stadt Buxthu un is 1924 Ehrenbörger von Buxthu worrn.

Hastedt hett an’n 12. Oktober 1886 in Buxthu Luise Maria Charlotte Höpfner freet. De beiden harrn veer Kinner.