Friedrich Schwiening
Friedrich Schwiening (* 15. Mai 1851 in Springe; † 22. Mai 1935 in Auerk) weer Börgermeester vun de Stadt Auerk.
Leven ännern
Schwienig weer de Söhn vun den Paster Schwiening in Springe. He studeer Juristeree an de Universitäten Halle/Saale un Chöttingen. In Halle wurr he Liddmaat vun dat Corps Borussia und in Chöttingen vun dat Corps Hannovera. 1874 kreeg he vun wegen he an en vun de Universitätsbehörden updeckt Mensur dat Consilium abeundi un muss de Universität verlaaten. He hett denn sien Studien an de Universität Kiel wieder makt, is aber nah en Semester weer nah Chöttingen torüchgahn. An dat Referendarexamen in’ Juni 1875 sloot sück de Referendartiet in Einbeck un Hannober an. Schwiening hett in’ Mai 1881 dat Tweete juristisch Staatsexamen afleggt. Van Januar 1882 bi to sien Pensionierung 1924 weer he för 42 Johren Börgermeester vun de Stadt Auerk. Schwiening weer doröver hinut Landschaftsrat un Landschaftssyndikus vun de Oostfreesch Landschop, Kreisdagsafordnter un Afordnter vun de Provinziallanddag.
Studentenhistoriker ännern
As Studentenhistoriker stell he in dat 19. Johrhunnert to Tieden vun de Sammlung un Organisatschoon vun de Oldherrenschap vun dat Corps dat eerste Liddmaatverteken vun dat Corps Hannovera zu Göttingen up, dat in’ Mai 1880 in eerst Uplaag rutkeem.
Literatur ännern
- Heinrich F. Curschmann: Blaubuch des Corps Hannovera zu Göttingen, Band 1: 1809-1899 Göttingen 2002, S. 220 Nr. 714