Friedrich Wienke
Friedrich Wienke, up Platt auk Fritz Wüinke (* 20. September 1863 in Brokelsüik; † 17. Dezember 1930 in Schüer) was eunen platduitsken un haugduitsken Schrüiver. Heu schreiv övver süine lippske Heumoot un deu lippsken Tichler.[1] Süin Sune was Heinrich Wienke, de eun bekennten platduitsken Schrüiver iut Lippe was.
Lieven
ännern
Friedrich Wienke worde den 20. Septmber 1863, osse dat Kind van eunfacken Biuern boren. Heu hadde söss Breoders un Sösters. Süine Famüilje was düüt arm un foor eun karg Lieven. Dorümme kunn Wienke auk blaut bet heu veuertejjen was no’r Scheole goon un muss denn os eun Tichler in de Frömde teun, dat heu Geld för de Famüilje met na Hius bringen kunn. Heu arbejje in Bad Purmunt, Hilmessen un Röhren. In’n Winter, wenn heu nich up’n Tichelwerke was, arbejje heu osse eunen Flickschnüider. Wüildess heu büi düsse Arbejjet teogange was, dicht Wienke süinen euersten Verse un lüttken Gedichte, man schreiv düsse nich up un beheul seu in’n Koppe. Läter kamm heu Paster Alexander Zeiss in de Moite. Düsse Pater gav Wienke Stütt un Stell un halp enne süine Rüimsels teo Beok teo bringen un denn teo publizeuern. In de Euerst weuren olle Gedichte un Rüimsels up Platt, man lüikers brochte Wienke de euerste Uplage van süinen Werk Ziegler Lieder up haugduitsk riut. Eun poor Joher läter brochte heu de sülvigen Leuder up Platt unner de Luie. Eun bisken läter kamm süi nBeok Bleomen twisken Steunen riut. Man düt mool blaut up Platt.
Mit süin Wüiv hadde Wienke tweu Kinner, man seu bleiv ol froi daud.För enne was dat eunen düchtigen Verlust. Euerst veule Johren läter frijje Wienke up’t Nüijje. Met süinen tweuten Wüiv hadde heu noch man veuer feudere Kinner.[2]
Friedrich Wienke is den 17. Dezember 1930 mit Daude afgohn. Süin Grav is up’n Kösterkamp in Brokelsüik.
In Loge is vandage eune Strote no Friedrich Wienke noimt.[3]
Werke
ännernHaugduitsk & Plattduitsk
ännern- Zieglerlieder, Gedichte, Lage: Velchert (1889). 104 S. (Lipp. LB Detmold)
- Zieglerlieder. Gedichte von Ziegler Friedrich Wienke zu Brakelsiek in Lippe. Mit Vorwort von Pastor A. Zeiß in Schwalenberg. Vierte Auflage (7. und 8. Tausend), Detmold (1908)
- Lippische Volkslieder. Gesammelt und herausgegeben von K. Wehrhan und Fr. Wienke (1912)
Plattduitsk
ännern- Bleomen twisken Steunen. Plattduitske Gedichte, Deppelt (1927).LLB Deppelt
Weblenken
ännern- Friedrich Wienke in de Datenbank Die niederdeutsche Literatur (hoogdüütsch)
- Indrag to den Schriever in dat Westfäälsche Autorenlexikon (hoochdüütsch)
