Fritz Godow

Fritz Godow (* 25. Juli 1851 in Kortenhagen; † 6. August 1932 in Stettin) weer en plattdüütschen Schriever.

Godow is 1851 in Kortenhagen in Pommern as Söhn vun en Buurn boren. He güng op de Präparandenanstalt in Lebbin un denn vun 1869 bet 1871 op dat Lehrerseminar in Cammin. Denn hett he as Schoolmeester an de Doomschool in Cammin arbeidt un as Middelschoollehrer in Stettin.

Godow hett twee Böker mit Vertellsels in sien vörpommersch Platt schreven, de in de Johren 1900 un 1924 rutkamen sünd un all beid blot een Oplaag sehn hebbt.

Warken

• Oll Frünn’ in’n nigen Rock. En Hümpel Schnurren in plattdütschen Rimels. Niekammer, Stettin 1900
• Striekhölter. Geschichten för den plattdütschen Stammdisch. Verlag Leon Sauniers, Stettin 1924

Literatur

• Fritz Raeck: Pommersche Literatur. Proben und Daten. Pommerscher Zentralverband, Hamburg 1969, S. 331

Kiek ook bi

• List vun plattdüütschen Schrievers

Weblenken

• Fritz Godow in de Datenbank Die niederdeutsche Literatur (hoogdüütsch)