Fritz Husmann
Fritz Husmann (* 7. Februar 1877 in Sie’enborg; † 10. Mai 1950 in Bremerhoben) weer en plattdüütschen Schriever.
Husmann is 1877 in Sie’enborg boren un dor ok opwussen. He weer von 1891 bet 1894 op de Präparandenanstalt in Deefholt un 1894 bet 1897 op dat Seminar in Beers. 1897 is he Schoolmeester in Laven worrn un weer later Hauptlehrer in Leh. Dor hett he von 1898 bet 1909 den Klenner Dör Heide, Moor un Masch rutgeven.
He hett, deelwies ünner den Schrieversnaam Jan Klöhn, en Reeg Böker op Platt rutbröcht. De Böker hett he nich in’n Dialekt von sien Heimatoort schreven, man in’n Dialekt von Leh. 1905 hett he in Leh den plattdüütschen Vereen Waterkant grünnt.
In Leherheid is vondaag de Fritz-Husmann-School na em nöömt.
Warken ännern
- Frühe Blüten. Hoch- und plattdeutsche Gedichte. Fischer, Leh 1898
- Frische Blomen. Plattdütsche Gedichte in nordhannöwersch Mundort. Kohlmeyer, Dorum 1902 (Google-US)
- Eene nordhannöversche Bur’nhochtiet. Rissmüller, Leh 1903
- Eene nordhannöversche Burn-Hochtiet un twee Bilöpers. Brüning, Leh 1904 (Google-US)
- Een’ glücklichen Mus’fang oder: De Angst för’t Hunnlock. Schwank in een Uptogg. Danner, Mühlhausen [1905]
- Een Kranz för de Görn. Een plattdütschen Rükelbusch för lüttje un grode Kinner; in eenen nordhannöverschen Gorn funn’n un bunn’n. Sülvsverlag, Leh 1906
- Inkiek un Utkiek öber’n Binnen- un Butendiek. Jan Klöhn sine Stammdischsitzungen in de Tiet von’n 1.10.1905 bet to’n 31.12.1906. Geestmünn 1907
- Dorpslüh. Plattdütsche Geschichten von Fritz Husmann. Borgardt, Bremervöör 1907
- Hohlt fast. Plattdeutsche Kriegsgedichte in hannöversche Mundort. Fischer, Leh 1915
- Bornwater. Plattdütsche Lüh un plattdütsch Leben. Gedichte. Bremervöör 1923
- Plattdeutscher Liederborn. (rutgeven von Hans Herr), Bremerhoben 1979
Weblenken ännern
- Fritz Husmann in de PBuB (hoochdüütsch)