Funchal
Funchal [[fũˈʃaɫ]] is en Stadt up dat portugeesch Eiland Madeira. Se is Hööftstadt van de Autonome Region Madeira.
To disse Autonome Region Madeira hörrn buter de Inselgrupp Madeira (Hööftinsel Madeira, dat Eiland Porto Santo un de Desertas-Inseln) ok de wieder südlich liggen Selvagens-Inseln. Funchal hett 112.015 Inwahner (Stand Juni 2011) up en Flach van 76,14 km².
De Naam van de Universitätsstadt (Universität Madeira, de eenzige Universität van dat Eiland) bedüüd „völ Fenchel“ (portugeesch: funcho „Fenchel“, dorto dat Adjektiv funchal „fenchelig“). De Stadt kreeg dissen Naam, wiel de Portugiesen bi dat Opdecken van dat Eiland dor besünners völ Fenchel finnen deen.
Geschichte ännern
João Gonçalves Zarco un sien Lüüd leeten sück 1419 in dat up de Nahberschop liggen Câmara de Lobos daal, wiel se dat Rebeet um Funchal mit de günstig Bucht eerst noch rüüden mussen.
1421 wurr de Stadt dör João Gonçalves Zarco grünnd un 1508 kreeg se de Stadtrechte. Siet dat 16. Johrhunnert is de Stadt Bischopssitt. Dormals weer de Stadt en wichtig Haben un temelk riek. Hannelschippfohrt is hüüd nich mehr so, dorför kummt dat meest Geld hüüd dör den Tourismus rin.
De berühmt Footballspeler Cristiano Ronaldo stammt ut Funchal.
