Göran Claeson
Göran Claeson (* 4. März 1945 in Älvsjö) is en ehmalger sweedsch Iesflinklöper.
Claeson is all 1968 bi de Olympisch Spelen över 1.500 Meter antreden, keem do aber man blots up Platz 20. Beter leep dat al een Johr later bi de Europameesterschapen in’ Mehrkamp, bi de he immerhenn en Bronzemedaille winnen kunn. Bi de denn folgend Weltmeesterschap in’ Mehrkamp wunn he de Sülvermedaille. 1972 bi de Olympisch Spelen keem he över 1.500 Meter up den darten Platz, en internatschonalen Titel kunn he aber anfangs nich winnen.
Dat änner sück aber, as nah de Saison 1971/1972 de nedderlännschen Stars Ard Schenk un Kees Verkerk Profis wurrn un de starke Norweger Dag Fornæss sien Loopbahn beend harr. 1973 kunn Claeson de Europameesterschap un de Weltmeesterschaftskamp in’ Mehrkamp winnen. 1974 kunn he sien Europameestertitel sogor verteidigen un bi de Weltmeesterschap wunn he nochmals Bronze. 1975 bi de Europameesterschap keem he as Titelverteidiger man blots up den 11. Platz, un hett sien Loopbahn denn in dat glieker Johr beend.
Neben sien international Erfolge kunn he ok noch 25 sweedsch Meesterschapen för sück entscheiden:
- Sweedsche Meesterschapen över 1,500 m: 1969, 1970, 1971, 1973, 1974 un 1975.
- Sweedsche Meesterschapen över 5,000 m: 1969, 1970, 1971, 1972, 1973, 1974 un 1975.
- Sweedsche Meesterschapen över 10,000 m: 1970, 1971, 1972, 1973 un 1974.
- Sweedsche Meesterschapen in’ Mehrkamp: 1969, 1970, 1971, 1972, 1973, 1974 un 1975.
Weblenken
ännern
- Göran Claeson up SkateResults.com
- Göran Claeson bi de Deutschen Eisschnelllauf Gemeinschaft e.V.
- Persöönlich Rekorde bi Jakub Majerski’s Speedskating Database
- Evert Stenlund’s Adelskalender pages
- Historical World Records vun de International Skating Union
- National Champions vun de Svenska Skridskoförbundet