Günter Weiß (Ünnernehmer)

Günter Weiß (* August 1928 in Wittenbarg) is en düütschen Ünnernehmer un Politiker von de CDU.

Weiß is 1928 as Söhn von’n Bäcker Fritz Weiß in Wittenbarg bi Fleest boren.[1] He hett en Lehr as Bäcker bi de Bäckeree Wischmeyer in Oolwarder maakt.[1] Nadem de Bäckeree von siene Öllern in Hamborg utbummt worrn is, hebbt se 1945 de Bäckeree Kröckel in Glüsen pacht un ehr 1952 ganz övernahmen.[2] Weiß hett de Bäckeree later von siene Öllern övernahmen.[1]

De Bäckeree hett he 1988 mit to de Tied 45 Mitarbeiders an sien Söhn övergeven.[2] Vondaag hett se 240 Mitarbeiders.[1]

PolitikÄnnern

In Glüsen is Weiß 1956 in’n Gemeenraad wählt worrn.[1] He weer 28 Johr Afornten in’n Kreisdag von’n Landkreis Horborg un fiev Johr Viez von’n Landraad Axel Gedaschko.[1]

Von’n 5. November 1981 bet 27. November 1991 un noch en tweet Maal von’n 1. November 1996 bet 21. März 2008 weer he Börgermeester von de Gemeen Töst.[1] Tosätzlich weer he von’n 14. Januar 1988 bet 31. Dezember 1998 Samtgemeenbörgermeester von de Samtgemeen Töst.[1]

An’n 25. August 2008 is Weiß as Ehrenbörger von de Gemeen Töst uttekent worrn.[1]

Siene Fro Marga hett he 1954 freet.[1] De beiden hebbt dree Söhns.[1]

FootnotenÄnnern

  1. a b c d e f g h i j k Carolin Trümper: Günter Weiß wird heute Tostedts neuer Ehrenbürger, Hamburger Abendblatt an’n 25. August 2008
  2. a b Karin Eberhardt: Bäckermeister Günter Weiß wird Tostedter Ehrenbürger, Allgemeine Bäcker-Zeitung an’n 15. September 2008