Günther Beck (Biathlet)

Günther Beck (* 31. Dezember 1976 in Innsbruck) is en ehmalger öösterrieksch Biathlet.

Günther Beck, upwussen in Höhnhart, hett sück nah de Matura vull un ganz up den Biathlonsport konzentreert. 1997 geev he sien Debüt Östersund in’ Biathlon-Weltcup. Tosommen mit Wolfgang Perner, Ludwig Gredler un Wolfgang Rottmann wunn he in’ Dezember 1999 dat Staffelrennen in Hochfilzen. Dat bleev aber ok sien eenzig Sieg in en Weltcuprennen. Sien gröttste Eenzelspood weer de Gewinn vun de Europameesterschap in’ Eenzel in Haute Maurienne in dat Johr 2001 vör den Düütschen Andreas Stitzl. 2003 reck he noch mal den tweeten Platz bi de öösterrieksch Meesterschapen in’ Eenzel in Obertilliach, bevör he in dat glieker Johr sien sportliche Loopbahn afslooten hett.

Van 2003 bit 2009 hett he Medizin an de Medizinische Universität Innsbruck studeert un kreeg dor an’ 10. Oktober 2009 sien Doktertitel.[1] Siet den 24. Juli 2008 is he mit de ehmalg düütsch Biathletin Martina Beck (boren Glagow) verheiraadt.

Siet de Olympisch Winterspelen 2010 is he för den ORF as Co-Kommentator bi Biathlon-överdragen tätig.

Weblenken ännern

Enkeld Nahwiesen ännern

  1. Gaudeamus igitur, Herutgever: XNX GmbH, biathlon2b.com van’ 13. Oktober 2009, afropen an’ 8. Februar 2015