Günther Siegmund
Günther Siegmund (* 16. Mai 1927 in Hamborg; † 20. Mai 1981 an’n Gardasee) weer en nedderdüütsch Schriever, Schauspeler und Theaterspeelbaas. Van 1970 bit 1979 weer he Intendant vun dat Ohnsorg-Theater.
Leven
ännernAs he negen Johr olt weer, hett Siegmund, Schöler vun de Middelschoolmeester un Volksschauspeler Otto Lüthje, in’n Ensemble vun dat Ohnsorg-Theater en Dwargkönig speelt.
Mit 20 Johren fung he an – inspireert dör dat Theater – to schrieven.
In de 1960er Johren weer he ok Speelbaas, ünner annern bi en paar vun de erfolgrieksten Feernsehinszeneeren, so as Opa wird verkauft, Mein Mann, der fährt zur See oder Der möblierte Herr.
Nahdem Hans Mahler storven weer, wurr Siegmund 1970 to’n Intendanten vun dat Ohnsorg-Theaters beropen. Ünner hüm hett dat Huus en gewisse Moderniseeren erfohren, die Tall vun de Oorupföhrungen steeg, ne’e Schrievers, de modern un to’n Deel ok tietkritisch Themen verarbeiden deen, wurrn wunnen, so as Konrad Hansen oder Walter A. Kreye. Siegmund sülvst schreev ok noch för dat Theater, hett to'n Bispeel Mudder Mews bearbeit un weer, as he Intendant weer, ok wieder henn Speelbaas.
Neben Dramen un Lustspelen schreev Siegmund ok Määrkenspelen, Höörspelen un Geschichten. Aber ok lütte Arbeiten, so as Shanty-Texte, höören to sien Wark.
Günther Siegmund hett sien eegen Geschichten ok vördragen as Rezitator, so as up de Schallplatt Lapüster, up de he sien bekannt Wiehnachtsgeschichten Un dat gift doch’n Wiehnachtsmann, Wiehnachten op See und Ward allns ehrlich deelt leest hett.
Twee Johr nah sien Afscheed vun dat Ohnsorg-Theater is Siegmund storven.
Filmwarken (Utwahl)
ännern| Johr | Titel | Funkschoon |
|---|---|---|
| 1962 | Der Bürgermeisterstuhl, Feernsehn | Dorsteller |
| 1966 | Gastwirt Goebel, Feernsehn | Speelbaas Dorsteller |
| 1966 | Diederk soll heiraten, Feernsehn | Speelbaas |
| 1966 | Die Königin von Honolulu, Feernsehn | Speelbaas Dorsteller |
| 1968 | Otto und die nackte Welle, Feernsehn | Dreihbook Speelbaas |
| 1968 | Strandräuber, Feernsehn | Speelbaas |
| 1970 | Mensch sein muss der Mensch, Feernsehn | Dreihbook |
| 1972 | Das Herrschaftskind, Feernsehn | Speelbaas |
| 1973 | Brand-Stiftung, Feernsehn | Dreihbook |
| 1976 | Frauen an Bord, Feernsehn | Speelbaas |
| 1977 | Petrus gibt Urlaub, Feernsehn | Speelbaas |
Weblenken
ännern- Günther Siegmund in de Internet Movie Database (engelsch)