Hauptmenü öffnen

Geert Hendrik Kocks (* 15. Dezember 1936 in Barger-Oosterveld; † 8. August 2003 in Zuudloarn) weer en Spraakwetenschopper.

Kocks is 1936 as tweet Söhn von Kees (Cornelis) Kocks un Annie (Anna Katrina) Mensen in Barger-Oosterveld boren. Na de Volksschool güng he na dat Aartsbisschoppelijk Klein Seminarie in Apeldoorn un hett denn Germanistik an de Rieksuniversität Grünnen studeert. 1962 weer he för een Semester an de Universität Göttingen un hett 1964 in Grünnen sien Studium afslaten. He weer denn Lehrer in Emmen un von 1966 bet 1969 Lekter för Nedderlandsch an de Universität Göttingen. 1969 keem he trüch na Grünnen un hett dor dat Leid över dat Woordenboek van de Drentse Dialecten övernahmen, för dat he Rutgever weer. Dat Wöörbook is 1997 trech worrn. 1970 hett Kocks sien Dokter to dat Thema Die Dialekte von Südostdrente und anliegenden Gebieten maakt. To’n 1. März 1998 is he denn in Pnsion gahn.

Kocks hett an’n 23. November 1973 Toos C. G. Neuteboom heiraadt un harr mit ehr dree Kinner.