Geordie (Band)
Geordie is ehmalge engelsche Rockband. Se wurr 1972 vun de Gitarrist Vic Malcolm grünnd. Sien Bandkollegen weern de Slaagtüücher Brian Gibson, de Bassist Tom Hill un de Singer Brian Johnson. Toeerst heten se "USA", dornah hebbt se sück nah de umgangspraaklich Utdruck för hör noordengelsch Heimat Northumberland nömmt.
Erfolge
ännernIn’ Dezember 1972 keem hör eerste Single "Don´t do that" up Platz 32 vun de engelsch Hitparade, in’ März 1973 harrn se mit "All because of you" hör eenzig Top-10-Hit in England (Platz 6). De Nahfolgesingles "Can you do it" (Platz 13), "Electric Lady" (Platz 32) un "Black Cat Woman" harrn immer weniger Spood, in Düütschland noch ehder as in hör Heimat. Allerdings keemen se ok in Düütschland nie ünner de Top 20. In dat Johr 1976 hebbt se sück dorüm vörlööpig uplööst.
Nee Singer un endgültig Uplösen
ännernKört vör en Comebackversöök gung Brian Johnson as Nahfolger för Bon Scott, de storven weer to "AC/DC", sien Mitmuskanten hebbt versöcht, mit en nee’n Singer wat to rieten. Wiel se aber weer kien Dörbröök harrm, hebbt se sück midden de 80er Johren endgültig uplööst. "Geordie" speel Rockmusik, ähnlich as hör bekanntere Landslüüd "Slade" un "Mud".