Georg Schwarzenbeck

Hans-Georg „Katsche“ Schwarzenbeck (* 3. April 1948 in München) is en ehmalger düütsch Footballspeler. In sien Loopbahn hett he all wichtige natschonale un internatschonale Titel wunnen. He wurr Weltmeester, Europameester, söss Mal Düütsch Meester. Dorto hett he den Europapokal vun de Pokalsieger as ok jewiels dreemal den Europapokal vun de Landsmeester un den DFB-Pokal wunnen.

Karriere

Vereene

Schwarzenbeck speel bit to sien 13. Levensjohr bi de Sportfreunde München, bevör he to den FC Bayern München wesselt is un dor sien restlich Karriere ok bleev. He speel dor as Vörstopper.

Natschonalmannschap

An‘n 7. Mai 1969 geev Schwarzenbeck sien Debüt in dat Natschonaltrikot bi de U-23 Natschonalmannschap, för de he 1971 sien tweet un letzt Lännerspeel maken dee. In dat glieker Johr, an’n 12. Juni in Karlsruhe, hett he denn sien eerst Lännerspeel för de düütsch A-Natschonalmannschap maakt. Sien letzt vun 44 Lännerspelen weer an’n 22. Februar 1978 in München. Dornah hörr he noch to den Kader vun den DFB för de Weltmeesterschap 1978, keem dor aber nich mehr to’n Insatz.

Erfolge

• Weltmeester 1974
• Europameester 1972 un 1976
• Weltpokal 1976
• Europapokal vun de Landsmeester 1974, 1975 un 1976
• Europapokal vun de Pokalsieger 1967
• Düütsch Meester: 1969, 1972, 1973, 1974, 1980 un 1981
• DFB-Pokal-Sieger 1967, 1969 un 1971

Sonstiges

Schwarzenbeck sien Speelstil weer eenfach un schnörkellos. Vör allen de Kontrast to den eleganten Techniker Franz Beckenbauer, de sück ok in beid Persönlichkeiten wedderspeegeln dee, wurr immer weer bemarkt un to’n Thema maakt. (Der Putzer des Kaisers, Kaiser und Katsche). In den Film Wehe, wenn Schwarzenbeck kommt vun May Spils speel Schwarzenbeck en Nebenrull. Wolf Wondratschek schreev dat Gedicht für Georg Schwarzenbeck.

Wiels de Europapokalspelen 1973 gegen Ajax Amsterdam wurr he vun en nedderlannschen Reporter as „half mens, half stier“ (half Minsch, half Stier) beschreeven.

Nah sien Sportlerloopbahn hett de in Harlaching wahnend Schwarzenbeck 1983 vun en Tant en Schriefwarenladen in de Münchener Au övernommen, de he bit 2009 bedrieven dee.

Weblinks

Georg Schwarzenbeck. Mehr Biller, Videos oder Audiodateien to’t Thema gifft dat bi Wikimedia Commons.

• Schwarzenbeck up de Sieden vun den DFB
• Indrag in de Datenbank vun weltfussball.de
• Indrag in de Datenbank vun fussballdaten.de
• Die A-Länderspiele und -tore von Georg Schwarzenbeck im RSSSF-Archiv Afropen an’n 18. April 2012.
• Die Europapokalspiele und -tore von Georg Schwarzenbeck im RSSSF-Archiv Afropen an’n 18. April 2012.
• Die Ligaspiele und -tore von Georg Schwarzenbeck Saison für Saison im RSSSF-Archiv Afropen an’n 18. April 2012.
• Wolf Wondratschek: Gedicht für Georg Schwarzenbeck