George Hadley (* 12. Februar 1685 in London; † 28. Juni 1768 in Flitton, Bedfordshire) weer en engelschen Avkaat, de sik blangenbi veel mit Physik un Meteorologie beschäftigt hett.

Leven ännern

Hadley is 1685 as Söhn von Katherine, borene FitzJames, un George Hadley in London boren. He is in’n Februar 1735 in de Royal Society wählt worrn un hett in’n Mai von dat sülve Johr en Schrift rutbröcht, in de he hunnert Johr vör Gaspard Gustave de Coriolis as eersten en richtige Theorie över de Passatzirkulatschoon opstellt hett: De na em nöömte Hadley-Zell is Oorsaak för den Passaat.

Tohoop mit siene dree Bröder, John, Georges un Henry, hett Hadley 1721 dat eerste hoogweertige Newton-Teleskop boot un 1731 en Vörlöper von’n Sextant, den Hadley-Quadrant. Besünners John Hadley harr dorbi woll en groten Andeel.

Na em sünd siet 1990 dat Hadley Centre un siet 1973 de Marskrater Hadley nöömt.