George of Cambridge
George Alexander Louis Mountbatten-Windsor (* 22. Juli 2013 in London), nömmt Prince George of Cambridge, is dat eerste Kind vun Prinz William un sien Fru Catherine.[1] As Oorenkel vun Königin Elisabeth II. un Prinz Philip hörrt he to dat Huus Windsor un dat Huud Sleswig-Holsteen-Sonderburg-Glücksburg.
.jpg)
Gebort
ännernAn’ 3. Dezember 2012 geev de St. James’s Palace de Schwangerschaft vun Catherine bekannt.[2] De Gebort funn in den privaten Lindo-Flögel vun dat St. Mary’s Hospital in London statt; dor wurr ok Prinz William boren. George keem um 16:24 Uhr to Welt.[3]
Reaktschonen
ännernDat wurrd verwacht, dat de Gebort vun den Thronfolger 260 Millionen Britisch Pund Umsatz genereert, vör allen dör Tourismus, Souvenirs un Festlichkeiten, de mit de Gebort tosommenhangen.
Titel un Thronfolge
ännernAn’ 31. Dezember 2012 hett Königin Elisabeth II. dör en Letters Patent anordnet, dat all tokünftig Kinner vun hör Enkel Prinz William den Titel un de Anreed Royal Highness kriegen, nich blots, as bit dorhen begäng, de öldste Söhn.[4]
George weer as öldst Söhn ahnhen en britisch Prinz, sien Anreed is His Royal Highness Prince George of Cambridge. In de britisch Thronfolg steiht he an darte Stäe.[5] Vör George stahn sien Grootvader Charles un sien Vader William, nah hüm Prinz Harry, de jüngere Söhn vun Charles.
Enkeld Nahwiesen
ännern- ↑ Prince George Alexander Louis: Kate and William reveal royal baby's name auf guardian.co.uk v. 24. Juli 2013
- ↑ Kate and William: Duchess pregnant, palace says up bbc.co.uk v. 3. Dezember 2012
- ↑ http://www.tagesspiegel.de/politik/sohn-von-william-und-kate-ist-geboren-der-kleine-prinz-ist-da/8533350.html, Der kleine Prinz ist da, Tagesspiegel, afropen an’ 25. Juli 2013}}
- ↑ Royal baby girl 'would be princess', http://www.bbc.co.uk/news/uk-20962102, 2013-01-09, BBC News, afropen an’ 6. Juli 2013
- ↑ William and Kate 'don't know' royal baby's sex, http://www.bbc.co.uk/news/uk-22976895, BBC News, BBC, afropen 27. Juni 2013}}