Gerard Pieter Hendrik ("Gerard") van Velde (* 30. November 1971 in Wapenveld) is en ehmalger nedderlannsch Iesflinklöper.

Gerard van Velde

He hörr siet Anfang vun de 90er Johren to de best nedderlannsch Iesflinklöpers, hett aber bi de Olympisch Winterspelen 1992 un 1994 jeweils knapp en Medaille verpasst.

De Inführung vun Klappschlittschohen fung Enn’ vun de 90er Johren an. Van Velde keem mit disse Schoh aber nich klor un hett sien Karriere beend. Rintje Ritsma hett denn aber en Trainingspartner söcht un so fung van Velde weer an to traineeren un kunn sück sogor för de Olympisch Winterspelen, ditmal in Salt Lake City, qualifizeeren. Dor wunn he en beten överraschend mit Weltrekord de Goldmedaille över 1000 Meter vör Jan Bos.

Veer Johr later kunn he sück denn aber nich mehr för de Spelen in Turin qualifizeeren.

Weblenken ännern