Gerd Harms

Gerd Harms (* 19. Februar 1953 in Willemshoben) is en düütschen Politiker.

Leven

Harms hett 1971 dat Abitur an dat Max-Planck-Gymnasium in Willemshoben maakt un denn bet 1980 an de Fre’e Universität Berlin studeert. Dor möök he 1977 den Afsluss as Diplom-Politoloog un 1980 as Diplom-Pädagoog. 1985 hett he an de Technische Universität Berlin sienen Dokter maakt.

In de Tiet vun 1978 bet 1980 un denn wedder vun 1983 bet 1987 weer Harms Bildungsreferent in de Erwachsenenbildung. Twischen 1980 un 1982 weer he Wetenschopler an de Fre’e Universität Berlin un 1987 bet 1989 an de Technische Universität Berlin.

In de Johren 1989 un 1990 weer he Staatssekretär in de Senatsverwaltung för Froen, Jöögd un Familie in Berlin, 1991 bet 1998 Staatssekretär in’t Ministerium för Bildung, Jöögd un Sport bi dat Land Brannenborg un 1998 bet 2002 Minister för Wetenschop, Forschung, Bildung un Kultur bi dat Land Sassen-Anholt.

Januar bet August 2003 weer he de Projektbeopdragte vun’n Ministerpräsident vun Brannenborg. Denn bet Oktober 2004 de Beopdragte vun’n Ministerpräsident för de Tosamenarbeit mit Polen un besünnere internatschonale Opgaven.

Vun den 13. Oktober 2004 an is Harms Bevullmächtigter för Bunds- un Europaangelegenheiten bi dat Land Brannenborg.

Weblenken

• Harms sien Siet bi brandenburg.de (hoochdüütsch)