Gerhard Bormann
Gerhard Bormann (* 23. März 1930 in Berßel; † 30. April 2006) weer en plattdüütschen Schriever.
Bormann is 1930 as tweten Söhn von Frieda, borene Bomeier, un den Discher Otto Bormann in Berßel boren. Bormann sülvs hett later ok Discher lehrt. Nadem he 1955 ut de DDR in de BRD flücht is, warrt he later bi en Reis na siene Moder in West-Berlin ut’n Tog haalt un in de DDR wegen Republikflucht veroordeelt. He hett annerthalv Johr in dat Fängnis Bautzen seten. As he wedder rutkamen is, güng he na Neddersassen un hett von 1969 af an in Lümborg leevt. He is Schoolmeester ween, toletzt as Direkter von en Sünnerschool in Winsen. Sien Book De Botterblaume is eerst na sien Dood rutbröcht worrn. He hett in’n Dialekt von siene Heimat in’n Oostharz schreven.
He weer verheiraadt mit Ruth Bormann. Na sien Dood is he in sien Heimatdörp Berßel begraven worrn.
Warken
ännern- De Botterblaume. Sinnliches und Besinnliches. (rutgeven von Rolf Ahlers), Krebs, Wenneborg 2007, ISBN 978-3-932030-40-6
Weblenken
ännern- Gerhard Bormann in de Datenbank Die niederdeutsche Literatur (hoogdüütsch)
|
De Artikel „Gerhard Bormann“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen. |