Gericht Heckthusen
Dat Gericht Heckthusen weer en Patrimonialgericht un Verwaltungsrebeed in Bremen-Veern un in dat Königriek Hannover mit Seet in Heckthusen binnen de Landdrostie Stood. Dor hett groff dat Rebeed von de hüdige Gemeen Heckthusen tohöört. Gerichtsherrn weren de Familie von Marschalck.
Geografie ännern
In’n Noorden, Oosten un Süden von dat Gericht leeg dat Amt Himmelpoorten un in’n Westen dat Amt Bremervöör (Stand 1848).
Historie ännern
1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünnen in dat Königriek Westfalen höört un denn to dat Departement von de Elvmünnen un direkt to Frankriek. Heckthusen weer in disse Tied de Seet von de Mairie Heckthusen in’n Kanton Himmelpoorten. 1813 müssen de Franzosen dat Rebeed denn opgeven un de ole Stand is wedderkamen.
De Kriminalgerichtsborkeit för dat Gericht Heckthusen hett dat Amt Himmelpoorten an’n 1. Juli 1827 övernahmen.[1]
1848 weer dat Gericht so 23,12 km²[2] groot.
De Gerichtsherrn hebbt dat Gericht 1850 freewillig an’n Landsherrn afgeven. To’n 11. März 1850 is dat Gericht Heckthusen oplööst un Deel von dat Amt Himmelpoorten worrn.[3]
Öörd Stand 1848[4] ännern
| Oort | Lüüd | Hüüs | Aard | Status | |
|---|---|---|---|---|---|
| 1 | Heckthusen | 473 | 91 | Dörp | Gemeen |
| Hutloh | 19 | 2 | Eddelgood | keen Gemeen | |
| Övelgünn | 12 | 2 | Eddelgood | keen Gemeen | |
| 2 | Bornbarg | 136 | 29 | Dörp | Gemeen |
| 3 | Kronenborg | 388 | 79 | Dörp | Gemeen |
| 4 | Lüttwöörn | 385 | 69 | Dörp | Gemeen |
| 5 | Koppel | 69 | 13 | Dörp | Gemeen |
| 6 | Klint | 329 | 70 | Dörp | |
| Klint II | 10 | 1 | Eddelgood | ahn Gemeen | |
| Klint I | - | - | Eddelgood | ahn Gemeen | |
| Geesthoff | 10 | 3 | Eddelgood | ahn Gemeen | |
| 7 | Lohmöhlen | 194 | 35 | Dörp | Gemeen |
| Good Lohmöhlen | 7 | 1 | Eddelgood | ahn Gemeen | |
| 8 | Wisch | 165 | 33 | Dörp | Gemeen |
| Wischhoff | 7 | 1 | Eddelgood | ahn Gemeen |
Inwahnertall ännern
| Johr | Inwahners |
|---|---|
| 1810[5] | 1.678 Lüüd, 294 Füürsteden |
| 1823[6] | 1.740 Lüüd, 388 Hüüs |
| 1848[2] | 2.204 Lüüd, 429 Hüüs |
Richters ännern
- ~1830: Amtsassesser O. A. von Marschalck
- ~1840: Amtsassesser von Gruben
- ~1849: Amtsassesser von Reden
Footnoten ännern
- ↑ Juristische Zeitung für das Königreich Hannover. Band 2, 1827, [1]
- ↑ a b Friedrich W. Harseim, C. Schlüter: Statistisches Handbuch für das Königreich Hannover. 1848, Sied 150: http://books.google.de/books?id=eOI-AAAAcAAJ&pg=PA150
- ↑ Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 172
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 150: http://books.google.de/books?id=eOI-AAAAcAAJ&pg=PA150
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 138: https://books.google.de/books?id=c24IAAAAQAAJ&pg=PA138
- ↑ Johann G. L. W. Ubbelohde: Statistisches Repertorium über das Königreich Hannover. Hahn, 1823, Sied 86: https://books.google.de/books?id=Rvs-AAAAcAAJ&pg=PA86