Gericht Sandbeek

Dat Gericht Sandbeek weer en Patrimonialgericht un Verwaltungsrebeed in Bremen-Veern un in dat Königriek Hannover mit Seet op Good Sandbeek binnen de Landdrostie Stood.

Dor hebbt dat Good Sandbeek un de Öörd Bargten, Sandbekerbrook, Westerbeek, Viehland, Wudehorn un en Deel von Scharmbeek tohöört. Gerichtsherrn weren de Besitters von Good Sandbeek (de Familie von Sandbeek).

Ok enkelte Inwahners von Wist un Ohlenst un de Inwahners von Haslah un Biloh hebbt fröher bi dat Gericht bihöört.

GeografieÄnnern

Dat Gericht weer in’n Noorden, Oosten un Süden von dat Amt Oosterholt ümgeven. In’n Westen is dat an dat Gericht Hu’e grenzt. De Oort Viehland weer en Exklaav un is an dat Amt Oosterholt, dat Amt Leendaal un dat Gericht Nedderenn-Sankt Jürgen grenzt. Wudehorn weer en Exklaav in dat Gericht Hu’e.

HistorieÄnnern

1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünnen in dat Königriek Westfalen höört un denn to dat Departement von de Wersermünnen un direkt to Frankriek. Sandbeek leeg in’n Kanton Oosterholt. 1813 müssen de Franzosen dat Rebeed denn opgeven un de ole Stand is wedderkamen.

De Gerichtsherrn hebbt dat Gericht 1848 freewillig an’n Landsherrn afgeven. To’n 1. November 1848 is dat Gericht Sandbeek oplööst un Deel von dat Amt Oosterholt worrn.[1]

InwahnertallÄnnern

Johr Inwahners
1810-00-001810[2] 1.250 Lüüd, 189 Füürsteden
1823-00-001823[3] 613 Lüüd, 95 Hüüs

FootnotenÄnnern

  1. Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 169
  2. Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 137
  3. Johann Georg Ludwig Wilhelm Ubbelohde: Statistisches Repertorium über das Königreich Hannover. Hahn, 1823, Sied 85