Geti Wilba
De Geti Wilba GmbH is en Ünnernehmen ut Bremervöör, dat vör allen deepfroren Levensmiddel ut Höhnerfleesch un Wild herstellt. De Ümsatz leeg 2018 bi 83 Milljonen Euro.[1] Stand 2020 harr dat Ünnernehmen an dree Standöörd in Bremervöör (2×) un Olenwoold üm un bi 600 Lüüd in Lohn un Brood.[1]
Historie ännern
Dat hüdige Ünnernehmen hett sik 1984 dör Fusion von de GETI-Feinkost Georg Timmermann GmbH un de Wild-Bargmann GmbH billt.
Georg Timmermann hett GETI 1952 as Slachteree för Geflögel grünnt. De Wild-Bargmann GmbH (Wilba) is 1961 von Heinz Wilhelm Bargmann grünnt worrn.[2] Bargmann hett en EDEKA-Laden bedreven un in Egenregie Wild verarbeidt.[2]
1972 hett Timmermann anfungen deepfroren Gerichten hertostellen, anfungen mit Höhnerfrikassee.[2] 1973 hett Bargmann en Hasentucht in Azul (Argentinien) anfungen.[2]
In dat Johr 1990 hett sik dat Ünnernehmen Südzucker bi Geti Wilba inköfft un 1995 100 % von de Andelen övernahmen.[2] Südzucker hett Geti Wilba denn in dat Dochterünnernehmen Schöller-Holding GmbH & Co KG ünnerbröcht. 1992 hett Geti Wilba dat Wark in Cuxhoben köfft.[2]
1998 hett Geti Wilba dat Ünnernehmen Gut Adlersreuth ut Oberreute in Bayern övernahmen, dat Wild verarbeiden dee.[2] Düt Wark is 2014 dichtmaakt worrn.[3]
2002 is de Schöller-Holding von de Ünnernehmensgrupp Nestlé övernahmen worrn un 2008 is Geti Wilba an Hannover Finanz gahn.[2][1]
2009 hett dat Ünnernehmen den Wildhersteller Brodersen & Köver ut Töst opköfft.[2] 2011 is Geti Wilba dör Fusion mit’n Wildverarbeider Josef Maier GmbH & Co. KG ut Bad Wörishofen (Bayern) tohoopgahn.[2]
2015 hett dat Ünnernehmen de Slachteree kumplett in dat Wark na Olenwoold verlagert un de Produkschoonshallen dor moderniseert.[4]
In’n Februar 2020 müss dat Ünnernehmen Insolvenz anmellen, nadem Kredite nich verlängert worrn sünd.[1]
Footnoten ännern
- ↑ a b c d Dennis Koch: Fertiggerichte: Geti Wilba geht mit Brinkmann und Luther in die Insolvenz, juve.de an’n 8. März 2020
- ↑ a b c d e f g h i j Ünnernehmensgeschicht op geti-wilba.de
- ↑ Olaf Winkler: Nach Schließung von Gut Adlersreuth in Oberreute steht das Gelände zum Verkauf, all-in.de an’n 2. Oktober 2014
- ↑ Betrieb soll normal weiterlaufen. Nach Insolvenzantrag: Geti Wilba GmbH will Standort in Altenwalde und die 72 dort beschäftigten Mitarbeiter halten, Niederelbe-Zeitung an’n 19. Februar 2020, Sied 13
Weblenken ännern
- Websteed von dat Ünnernehmen (hoochdüütsch)