Hauptmenü öffnen

Gianfranco Petris (* 30. August 1936 in Budoia; † 1. Juli 2018 in Trepalle, Livigno) weer en italieensch Footballspeler. He speel up de Positschoon vun en Flögelspeler.

De Loopbahn vun Gianfranco Petris fung 1954 bi den Vereen FC Treviso an. In de Saison 1956/57 wessel he to US Triestina, hier hörr he glieks to de Stammformatschoon. Nah de Saison is de Vereen woll afsteegen, aber Petris bleev ok in de Serie B bi den Vereen. An’ Enn vun de Saison 1957/58 wessel he den aber doch to’n AC Florenz wo he sück ok glieks in de Stammformatschoon spelen kunn. In Florenz kunn Petris in de Folg groot Erfolge fiern.

In de Saison 1960/61 wunn Petris mit de Viola sowohl de Coppa Italia, as ok den Europapokal vun de Pokalsieger. Ok de folgen Speeltiet weer spoodriek, Florenz keem in de Serie A den bannig gooden 3. Platz un keem in den Europapokal vun de Pokalsieger weer in’t Finale, wo man denn aber gegen Atlético Madrid verlor. Petris bleev bit to de Saison 1964/65 in Florenz, bevör he to’n Ligakonkurrenten Lazio Rom wesseln dee. Dor speel he aber ok blots een Saison, bevör he bi Polisportiva Traini sien Loopbahn utklingen leet.

In de Tiet vun 1958 bit 1963 keem Petris ok veermal in de italieensch Footballnatschonalmannschap to’n Insatz un hett dorbi een Door schaaten.

ErfolgeÄnnern

  • Europapokal vun de Pokalsieger: 1 × mit dem AC Florenz (1960/61)
  • Coppa Italia: 1 × mit dem AC Florenz (1960/61)
  • Doorschüttenkönig in de Coppa Italia: 2 × (1959/60, 1960/61)

WeblenkenÄnnern