Giehl
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27729 | |
| Vörwahl: | 04763 | |
| Geograafsche Laag: | Koordinaten:53° 21′ N, 8° 55′ O53° 21′ N, 8° 55′ O | |
|
| ||
Giehl (hoochdüütsch Giehle) is en Oort in de Gemeen Vollerso (Samtgemeen Hambargen) in’n Landkreis Oosterholt, Neddersassen. To Giehl höört ok de Forsthoff Hallah.
Geografie
ännernGiehl liggt op de Geest. In’n Süüdwesten von’n Oort liggt dat Naturschuulrebeed Springmoor. De Giehler Beek flütt en beten mehr as een Kilometer in’n Süden bi Giehlermöhlen langs.
De Naveröörd sünd Kuhs Siedlung in’n Noorden, Kuhs, Nee Kuhs un Dahldörp in’n Noordoosten, Kuhstermoor un Nee Kuhstermoor in’n Oosten, Giehlermoor in’n Süüdoosten, Ahrensdörp, Vollerso un Giehlermöhlen in’n Süden, Paddewisch un Steern in’n Westen un Helljes in’n Noordwesten.
Historie
ännernDe Oort kummt 1187 as Gile toeerst in de Oorkunnen vör.
In de Franzosentied von 1810 bet 1814 hett de Oort to de Mairie Kuhs in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1851 to dat Gericht Beverst un von 1851 bet 1859 to dat Amt Beverst tohöört. 1859 is dat Amt oplööst worrn un Giehl is in dat Amt Oosterholt wesselt, to dat de Oort bet 1885 tohöört hett. Na 1885 weer Giehl in’n Kreis Oosterholt un keem 1932 an’n nu noch grötteren Landkreis Oosterholt.
De Oort is an’n 1. April 1937 Deel von de Gemeen Vollerso worrn.
Inwahnertall
ännern| Johr | Inwahners |
|---|---|
| 1793[1] | 3 |
| 1812[2] | 21 |
| 1824[3] | 3 Füürsteden |
| 1848[4] | 29 Lüüd, 2 Hüüs |
| 31. Dezember 1871[5] | 22 Lüüd, 2 Hüüs |
| 1. Dezember 1910[6] | 28 |
| 1925[7] | 34 |
Religion
ännernGiehl is evangeelsch-luthersch präägt un höört to dat Kaspel von de Erlöser-Kark in Kuhs.
För de Kathoolschen is de Hillige-Familie-Kark in Oosterholt-Scharmbeek tostännig.
Weertschop un Infrastruktur
ännernIn’n Westen von Giehl liggt de Golfclub Worpsweed.
Verkehr
ännernDör Giehl löppt de Bundsstraat 74, de in’n Noordoosten över Kuhs un Basdaal na Bremervöör geiht un in’n Süüdwesten över Wallhöben, Oosterholt-Scharmbeek un Hu’e na Bremen-Noord.
De Opfohrt 16 Bremen-Noord op de Autobahn 27/270 liggt so 27 Kilometer in’n Süüdwesten von Giehl.
De nächste Bahnhoff is so bi twölv Kilometer wied weg in’n Süüdwesten de Bahnhoff Olenbüttel an de Bahnlien Bremen–Bremerhoben.
Scholen
ännernDe Kinner ut Giehl gaht na de Grundschool Kuhs.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 81
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 208
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 148
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156
- ↑ Inwahnertallen op gemeindeverzeichnis.de
- ↑ Inwahnertallen op verwaltungsgeschichte.de
