Gilberto Agustoni
Gilberto Kardinal Agustoni (* 26. Juli 1922 in Schaffhausen, Swiez; † 13. Januar 2017 in Rom, Italien[1]) weer en Kurienkardinal vun de röömsch-kathoolsch Kark.
Leven ännern
Gilberto Agustoni entstamm en deep in' kathoolschen Glooven verwuddelt Familie ut Balerna, vun deren fiev Söhns dree to' Preester weeht wurrn sünd. En vun sien Bröers weer de Karkenmusiker Luigi Agustoni. Nah sien Schooltiet in Schaffhausen un Lugano studeer he tonächst in Rom, denn wegen den Tweeten Weltkrieg in Freiburg im Üechtland Philosophie un Theologie. He hett sien Studium mit den Doktertitel in den Fackberiek Theologie afslooten un wurr 1946 dör Bischop Angelo Jelmini to'n Preester weeht.
Ansluutend wurr he Hülpsvikar bi de Kathoolsch Aktschoon vun dat Bisdom Lugano. 1950 is Agustoni up persönliche Empfehlen vun Alfredo Ottaviani in de Deenste vun den Vatikan intreeden, studeer neben sien Pflichten in de Verwalten Rechtswetenschapen an de Lateranuniversität un hett de Lizentiatsprüfung afleggt. In de Johren wiels un nah dat Tweet Vatikaansch Konzil harr he en wesentliche Mitverantwortung för de sinnvolle Umsetten vun de Liturgiereformen, wobi hüm vör allen Koordinatschoon tüschen de Afdeelen vun de Sakramentenlehre eenersiets un de Liturgik up de anner Siet tokeem. Paapst Paul VI. hett hüm to'n Berader vun de Kongregatschoon för den Gottesdeenst un 1970 to'n Auditer an de Röömsch Rota nömmt.
1986 hett hüm Paapst Johannes Paul II. to'n Sekretär vun de Kongregatschoon för den Klerus beropen un he kreeg de Bischopsweehen; Mitkonsekratoren weern Eduardo Martínez Somalo, Substitut vun den Kardinalstaatssekretär, un Josè Tomás Sánchez, emeriteert Arzbischop vun Nueva Segovia. As Titularbisdom kreeg he Caprulae in de italieensch Region Veneto. Agustoni hett an de Erstellung vun dat nee Röömsch Katechismus un tallriek anner vatikaansch Verluutbarungen mitarbeit. 1991 wurr he Liddmaat vun den Böversten Gerichtshoff vun de Kathoolsch Kark, de Apostoolsch Signatur, de he denn van 1992 bit 1998 as Präfekt leiten dee. Buterdem wurr he mit de Leiden vun dat Böverste Beropensgericht vun de Vatikan beupdragt.
1994 nehm hüm Johannes Paul II. as Kardinaldiakon mit de Titeldiakonie Santi Urbano e Lorenzo a Prima Porta in dat Kardinalskollegium up. An' 24. Februar 2005 wurr he ünner Bibehollen vun sien Titeldiakonie (pro hac vice) to'n Kardinalpreester erhaben.[2]
Weblenken ännern
- Agustoni, Gilberto in Salvador Miranda: The Cardinals of the Holy Roman Church. fiu.edu, Websteed vun de Florida International University; afropen an‘ 16. Juli 2017
- Gilberto Agustoni upcatholic-hierarchy.org; afropen an' 16. Juli 2017
Enkeld Nahwiesen ännern
- ↑ È morto il cardinale Agustoni. Radiotelevisione Svizzera, 13. Januar 2017, afropen an' 16. Januar 2017 (italieensch).
- ↑ Concistoro Ordinario Pubblico per alcune Cause di Canonizzazione, Presseamt vun de Hilligen Stohl, Tägliches Bulletin van' 24. Februar 2005, afropen an' 6. Januar 2016 (italieensch)