Giovanni Antonio Pandolfi Mealli
Giovanni Antonio Pandolfi Mealli (* um 1620 rüm; † um 1669 rüm), is en Komponisten un Vigelienspeler ut Italien ween. Dat is nich bekannt, wo he boren oder sturven is. Eenmol is wat vun em to hören an den Habsborger Hoff in Innsbruck. Dor geiht dat um sien Verdeenst vun 200 Gulden in't Johr. In dat Civico Museo vun Bologna finnt sik de beiden Sammlungen vun 6 Sonaten opus 3 un opus 4 for Vigelien un Generalbass. Se sünd 1660 bi Michael Wagner ut Innsbruck druckt wurrn. De eersten 6 Sonaten hett Mealli de Förstin vun dat Land Tirol toegent, dat weer Anna vun Medici, de annern sess hett he to Ehren vun Arzhartog Siegmund Franz rutgeven. De enkelten Sonaten sünd nömmt na de Musikers, de mit em an den Hoff togange ween sünd, as Antonio Maria Viviani La Viviana, Antonio Castello La Castelle, Antonio Cesti La Cesta un annere.