Gitta Franken
Gitta Franken (borene Kleen; * 1959 in Haag) is en plattdüütsche Schrieversche un Ledermakersche.
Se is 1959 in Haag boren un in Leezdörp un Grootheid opwussen. Franken schrifft Kinnerböker, Körtgeschichten, Theaterstücken, Hörspelen, Gedichten un Leedtexten op Plattdüütsch, se komponeert ok de Melodien to ehr Leder un is de Baas von de Musikgrupp Gitta Franken-Dreebladd, de ut Gitta Franken, Udo Franken un Ute de Haan besteiht.
Se is mit Udo Franken verheiraadt un hett twee Söhns (Jan un Keno Mennenga). Se leevt in Süüdbrookmerland un hett lange Jahren as Baasfroo von verscheden Kinnergoorns arbeidt.
Priesen ännern
För ehr Insetten för Plattdüütsch in’n Kinnergoorn hett Franken 1993 den Keerlke-Pries in’e Hand kregen. 2006 weer se nomineert för den Freudenthal-Pries, 2007 weer se nomineert för den Lüttjepütt-Pries. Nadem se 2005 al tohoop mit ehren Mann den Borsla-Pries wunnen hett, hett se em 2011 noch maal wedder kregen, ditmaal alleen un för ehr Höörspeel En Müür. 2013 hett se för ehr Vertellen Swiegen den Johann-Friedrich-Dirks-Pries wunnen.
Warken ännern
- De Steernenkinner. Oostfreessche Landschup, Auerk 1994
- Komm, sing un danz mit mi. Oostfreessche Landschup, Auerk 1995
- Buur Hermann up Reisen. Sülvtsverlag, Süüdbrookmerland 1998
- Dat moiste Bild. Hebus-Verlag, Leer 2001, ISBN 3-935083-03-3
- De Steernenkinner. Mahnke, Veern 2001
- Doornroosje. Mahnke, Veern 2001
- Dat is ja woll verhext. Mahnke, Veern 2002
- Hinni in Gefahr. Leda-Verlag, Leer 2004, ISBN 3-934927-54-8
- En Fall för Willi. Mahnke, Veern 2004
- Koornblömen un Mohn (CD) Sülvstverlag, Südbrookmerland [2004]
- In Toornhusen geiht wat scheev. [Bösel] 2005
- Toornmanntjes Trick. Soltau-Kurier-Norden (SKN), Nörden 2006, ISBN 3-928327-92-5
- Dat Leven even. (CD) Sülvstverlag, Süüdbrookmerland [2009]
- Plattdütsk is cool (CD) Sülvstverlag, Südbrookmerland [2009]
- Plattdütsk is cool (Lederheft), Soltau-Kurier-Norden (SKN), Nörden 2009, ISBN 978-3-939870-28-9
- En Müür (Hörspeel) [Borsla-Vereinigung, Bösel] 2011
- De Gedanken sünd freei (CD) Sülvstverlag, Südbrookmerland [2011]
Weblenken ännern
- Gitta Franken in de PBuB (hoochdüütsch)