Giuseppe De Nittis

Giuseppe Gaetano De Nittis (* 25. Februar 1846 in Barletta; † 22. August 1884 in St-Germain-en-Laye bi Paris) weer en italieensch Maler vun den Impressionismus.

Sülvstporträt, Ööl up Lienwand, um 1880

Leven

Sien eerste Tekenstünn kreeg Giuseppe De Nittis bi den lokalen Maler Giovanni Battista Calò, de hüm indringlich to dat Fortsetten vun dat Studium in Florenz anraaden hett. He wurr insbesünnere vun de Künstlers vun de Macchiaioli stark beinfloot, de he 1863 in Florenz kennenlehrt hett. Later truck Giuseppe De Nittis nah Paris, wo he bit to sien Dood leev. In Paris hett he Camille Pissarro, Gustave Caillebotte, Giovanni Boldini, John Singer Sargent, Jacques-Émile Blanche, Edvard Munch un Edgar Degas, de sien Warken later beinfloot hett, kennen lehrt.

De eerst 38-johrige Giuseppe De Nittis is an de Folgen vun en Slaganfall storven un wurr up den Karkhoff vun Saint-Germain-en-Laye bisett.

Literatur

• Norma Broude: The Macchiaioli: Italian Painters of the Nineteenth Century, New Haven and London: Yale University Press. (1987) ISBN 0-300-03547-0
• Erich Steingräber un Giuliano Matteucci: The Macchiaioli: tuscan painters of the sunlight, New York: Stair Sainty Matthiesen Gallery (1984)

Weblenken

Giuseppe De Nittis. Mehr Biller, Videos oder Audiodateien to’t Thema gifft dat bi Wikimedia Commons.

• Stiftung Giuseppe De Nittis (italieensch)