Giuseppe Tartini

Giuseppe Alessandro Ferruccio Tartini (* 8. April 1692 in Piran bi Triest, hüdtodag: Slowenien; † 26. Februar 1770 in Padua) weer en italieensch Violonist un Komponist.

Tartini weer siet 1721 Konzertmeester in Padua ofschoons he eerst Juristeree studeert harr. 1728 hett he in Padua en Musikakademie grünnd. Dor sien Technik hett he dat modern Violinspeel begrünnd un 1754 hett he eerstmals de Kombinatschonstöne beschreben, de dorüm ok Tartinische Töne nömmt wurrd. En vun sien beröhmteste Schöler weer Pietro Nardini. Ok Johann Gottlieb Graun weer en vun sien Schöler.

Tartini hett ruch weg 100 Violinkonzerte, 50 Triosonaten un 200 Violinsonaten schreben. En vun sien bekannst Warken is woll de Teufelstrillersonate. He weer aber ok en bedüüdend Musiktheoretiker.

Born

Personen Lexikon ut Chronik Verlag, Harenberg Kommunikation Dortmund, 1983, Westermann Verlag GmbH, Bronswiek, ISBN 3-88379-018-4