Glen Garioch

Glen Garioch (op Doric as Glen Giri utsnackt) is en Whiskybrenneree in Oldmeldrum, Aberdeenshire, Schottland. De Bowarken vun de Brenneree sünd in de schottischen Denkmollisten in de Kategorie B insorteert.

Glen Garioch
Brenneree Glen Garioch (Foto: Anne Burgess)
Land	Schottland
Region	Highlands
Tyyp	Malt
Status	aktiv
Besitter	Suntory
Grünnt	1797
Washstill(s)	2
Spiritstill(s)	1
Produkschoonsvolumen	1.000.000 l
Websteed	www.glengarioch.co.uk

Historie

De Brenneree is al 1797 grünnt worrn un hett över de Johren faken den Besitter wesselt un weer twüschendör ok faken mol stillleggt. Siet 1970 höört se to Morrison Bowmore, weer aver 1994 kumplett vun de japaanschen Suntory övernahmen. Se weer een vun de eersten Destillen in Schottland, de op Eerdgas ümstellt hett. Al siet 1976 weer ok de Afwarms nütt, de in Driefhüüs leddt weer, üm Tomaten antoboen.

Glen Garioch hett noch egene Moltboddens, man se warrt nich mehr bruukt. 1995 is de Destille för eenige Tiet dicht maakt worrn, un schüllok verköfft warrn, weer 1997 denn aver doch wedder in Bedrief nahmen. Dat gifft ok vundaag noch twee Wash stills in de Brenneree, man blots noch een Spirit stills to’n Brennen. De tweete is bit hüüt nich nee maakt worrn. De Brenneree hett en Besökerzentrum un kann besichtigt warrn.

Kiek ok

• List vun de schottischen Brennereen

Literatur

• Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
• Walter Schobert: Das Whiskylexikon. Fischer Taschenbuch Verlag, Frankfort an’n Main, 2003, ISBN 978-3-596-15868-3.

Weblenken

Glen Garioch. Mehr Biller, Videos oder Audiodateien to’t Thema gifft dat bi Wikimedia Commons.