Glen Mhor

Glen Mhor
Land	Schottland
Region	Highlands
Tyyp	Malt
Status	afreten (1986; stillleggt 1983)
Besitter	Distillers Company Limited (DCL)
Grünnt	1892
Grünner	John Birnie, John Mackinlay
Architekt	Charles Chree Doig
Waterborn	Ness
Washstill(s)	1
Spiritstill(s)	1
Produkschoonsvolumen	1.454.720 l

Glen Mhor (utsnackt: Glen Vohr; vun’t Gäälsche gleann mhor „groot Daal“) weer en Whiskybrenneree in Inverness, Schottland.

Historie

De Destille is 1892 vun John Birnie un John Mackinlay grünnt worrn. De Naam kummt vun de tektoonsche Stören vun’n Great Glen, woneem se legen hett. De eerste Produkschoon lööp an’n 8. Dezember 1894 an. In’t Johr 1954 weer de Kassenmolteree (Saladin Maltings) apen maakt, de ok vun de Brenneree Glen Albyn gegenöver mitbruukt weer. De Glen-Albyn-Destille höör siet 1920 ok to Mackinlay & Birnie Ltd. De Brenneree is 1972 vun William Birnie an de Distillers Company Limited (DCL) verköfft worrn. De Molteree weer 1980 dicht maakt, un dat Molt för de Produkschoon vun annere Steed betogen. 1983 is de hele Brenneree denn stillleggt worrn, vunwegen dat se vun Grund op renoveert warrn müss, wat sik aver nicht recht lohnen de. 1986 is de hele Anlaag afreten worrn. Op dat Rebeet stieht vundaag en Supermarkt.

Produkschoon

De Brenneree Glen Mhor höör to dat schottische Whiskyrebeet Highlands. Jüst so as de Brenneree Glen Albyn gegenöver, hett se jemehr Water ut den River Ness nahmen. se hett mit twee Brennblasen arbeit, een wash still un een spirit still.

Kiek ok

• List vun de schottischen Brennereen