Glendronach

Glendronach is en Whiskybrenneree in Forgue bi Huntly in Aberdeenshire, Schottland. De Brennereehüüs sünd deelwies in de schottischen Denkmollisten in de Katgeorie B inordent.

Glendronach
Brenneree Glendronach (Foto: Colin Smith)
Land	Schottland
Region	Highlands
Tyyp	Malt
Status	aktiv
Besitter	The Benriach Distillery Company Ltd.
Grünnt	1826
Grünner	James Allardice
Waterborn	Dronac Burn
Washstill(s)	2
Spiritstill(s)	2
Produkschoonsvolumen	1.300.000 l
Websteed	www.glendronachdistillery.co.uk

Meeschfatten in de Brenneree

De Brennblasen vun Glendronach

Historie

De Brenneree is 1826 vun James Allardice grünnt worrn. Se is gau in de Regen vun’n Adel in London bekannt worrn, vunwegen dat de Graaf vun Gordon den ne’en Whisky bannig geern müch un Allardice na London inlaadt hett. In de Tiet dorna is de Brenneree mehrmols verköfft worrn. Ünner annern weer se vun 1920 bit 1960 in Besitt vun Charles Grant, en Söhn vun William Grant, den Besitter vun Glenfiddich. Wm Teacher & Sons hett 1960 de Destille övernahmen bit se 1996 dör den Mudderkunzern Allied Domecq dicht maakt weer. 2005 is Glendronach dör Pernod Ricard wedder apen maakt worrn. Dree Johren later weer se an de Benriach Distillery Co. Ltd. verköfft.

Produkschoon

De Brenneree Glendronach leggt Weert op Traditschoon. Dorüm warrt de Gasten ok hüüt noch vun de Hööf ümto köfft. Dat Molt, dat för de Produkschoon bruukt warrt, warrt in de Destille sülvst herstellt. Glendronach höört to dat Whiskyrebeet Highlands. Dat Water för de Produkschoon kummt ut den Dronac Burn. To’n Brennen warrt in de Destille twee Wash stills un twee Spirit stills insett.

Kiek ok

• List vun de schottischen Brennereen

Literatur

• Charles MacLean (Rutgever.): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
• Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.

Weblenken

Glendronach. Mehr Biller, Videos oder Audiodateien to’t Thema gifft dat bi Wikimedia Commons.