Glenury

Glenury
Land	Schottland
Region	Highlands
Tyyp	Malt
Status	afreten (1993; stillleggt 1985)
Besitter
Grünnt	1825
Grünner	Robert Barclay-Allardice
Waterborn	Cowie
Washstill(s)	2
Spiritstill(s)	2

Glenury oder Glenury Royal weer en Whisky-Brenneree in Stonehaven, Aberdeenshire, Schottland.

Historie

De Destille is 1825 vun Robert Barclay-Allardice, en Afordenten vun’t britische Parlament, in Stonehaven grünnt worrn. Se kreeg ’n beten wat later vun König Georg IV. dat recht, den Naamtosatz Royal to bruken. Dat Privileg hebbt bit vundaag blots twee annere Brenneree kregen, neemlich Royal Lochnagar un Royal Brackla. 1857 weer de Destille vun William Ritchie ut Glasgow köfft. 1938 güng se an de Associated Scottish Distillers över un opletzt in 1953 an de Distiller Company Ltd. (DCL), de ehr an ehr Dochterünnernehmen Scottish Malt Distillers Ltd. (SMD) övergeven hett. 1965 is de Anlaag nee maakt worrn und de Tall vun de Brennblasen weer op veer verdubbelt. Liekers weern 1985 de letzten Whiskys produzeert. Denn is de Brenneree dicht maakt worrn. Dat Grundstück is 1992 verköfft worrn, de Hüüs dorop weern 1993 afreten. Vundaag wiest blots noch de Glenury Road un Glenury Crescent as ok en Busanhoolsteed an de fröhere Brenneree.

Produkschoon

Glenury höör to dat schottische Whiskyrebeet Highlands un nehm ehr Water för de Produkschoon ut den Stroom Cowie. To’n Enn vun de Produkschoonstiet harr de Brenneree twee wash stills un twee spirit stills.

Veele vun de Whiskys sünd as Single Malts affüllt worrn, de deelwies ok vundaag noch in’n Hannel to finnen sünd. Man, so langsom warrt se roor un düür.

Kiek ok

• List vun de schottischen Brennereen