Gloster 69
Gloster 69 oder eenfack Gloster is de Naam vun en Sort vun’n Huusappel, de 1951 in de Aaftboversööksanstalt in Jörk/Oolland nee tücht worrn is. Krüüzt worrn is se ut den Klockenappel un den Richared Delicious. De Sort hett sik dorna en Gewarfsanbo wiet verbreedt, vunwegen dat de Appel goot to lagern un to transporteren is. De Beteken Gloster 69 kummt dorher, dat de Sort 1969 to’n eersten mol in’n Hannel kamen is.
För en rieke Oorn bruukt de Boom en deepgrünnigen Bodden, man anners nix. De Blöten un dat Holt möögt den Frost nich so. De Frücht hangt enkelt un sünd windfast. Noog Water schüll de Gloster aver hebben. En Nadeel vun de Sort is sien hoge Anfalligkeit för Füerbrand[1]
De Blööt vun’n Gloster fangt al Anfang Mai an. En Utdünnen vun de Appels is afsluut nödig. Af September warrt he denn riep to’n Plücken. Wenn de Sort to lang lagert warrt, kriggt he faken en Karnhuuspilz. De Appel hett en gröön-geel Fruchtfleesch, dat teemlich saftig is un licht süerlich smeckt. Sien Deckfarv geiht in’n purpurroot över. To kennen is de Gloster an sien Lentizellen.
Jüst so as de Golden Delicious hett de Gloster bi kritische Eters keen hooch ansehn. Dat hett aver ok dormit to doon, dat de Appels in’n Gewrfsanbo faken al plückt warrt, wenn se noch nich vull dörriept sünd. Ünner disse Bedingen kann de Appel sien fien aromaatschen, kräftigen Smack nich vull entwickeln. In’n Groothannel hett de Gloster vundaag kuum mehr Bedüden, man in Bioladens is he noch to finnen.
Kiek ok
ännernBorns
ännern- ↑ Feuerbrandanfälligkeit von Kernobstsorten in Pflanzenkrankheiten – Feuerbrand – Hochstamm-Bäume und Naturschutz, ACW, 2007, afropen an’n 26. April 2008
