Glykolipid

Glykolipiden (vun’t greeksche glykys = „sööt“, lipos = „Fett“), ok Glykolipoiden oder Glycolipiden sünd phosphorfre’e Strukturlipiden oder Membranlipiden (Bestanddeelen vun Zellmembranen), bi de en oder mehrere Mono- oder Oligosacchariden glykosidisch an en Lipid-Molekül bunnen sünd. Dat Lipid besteiht ut Fettsüren, de över Ester-Binnen mit Glycerin oder över Amid-Binnen mit Sphingosin verbunnen sünd. Glykolipiden gifft dat in all Geweven, man blots op de Butensiet vun de Lipiddubbelschicht.

Struktur vun de Glykolipiden as ok vun de Ünnergruppen Glycero- un Sphingo-Glykolipiden (as Sucker α-D-Glucopyranoos)

Wenn dat Glykolipid Glycerin bargt, seggt man Glyceroglykolipiddorto. Monogalactosyldiglyceriden sünd de Hööftlipiden vun Chloroplasten-Membranen.

In Glykosphingolipiden (ok Sphingoglykolipiden oder Glykosylceramiden) is en N-Acylsphinganinderivat glycosidisch an en Mono- oder Oligosaccharid bunnen. Wenn de Saccharid-Bestanddeel ok noch mit Swevelsüür verestert is, warrt dorto ok Sulfatiden seggt.

Bi de Cerebrosiden is en Ceramid mit Galactoos oder Glukoos to Galactocerebrosiden oder Glukocerebrosiden verknütt. Ruchweg 10 % vun de Dröögsubstanz vun’n Bregen besteiht dorut. Ok Sulfatiden kamt faken in’n Bregen vör un sünd dör Verestern vun’t C₆-Atom mit Swevelsüür kenntekent.