Good Lindhost
Dat Good Lindhost (hoochdüütsch Gut Lindhorst) weer en Eddelgood in Lindhost (vondaag in de Gemeen Seevdaal in’n Landkreis Horborg, Neddersassen).
Historie
ännernOp dat Good hett toeerst de Familie von dem Berge seten.[1] In de Tied üm 1460 is dor en Borg anleggt worrn.[1] As 1623 Fritz von dem Berge doodbleven is, weer de Familie in de Mannslien utstorven. 1629 is dat Good an de Familie Schenk von Winterstedt övergahn.[1] To dat Good hett ok en Möhl tohöört.[1]
De Familie Schenk von Winterstedt is 1838 mit Christian Ludwig Friedrich Schenk von Winterstedt utstorven.
1960 hett op dat Gelänn von dat Good en Fodermiddelwark von de Hema Mohr KG apenmaakt.[1] 2004 hett de Firma Hermann Schräder ut Ochtrup dat Wark övernahmen un dat 2012 dichtmaakt.[1] 2014 is dat Wark afreten worrn.[1] Dor schall nu en Wahnrebeed mit 20 Grundstücken anleggt warrn.
Goodsherrn
ännern- Fritz von dem Berge
- –1569: Vicke von dem Berge
- 1569–1623: Fritz von dem Berge
- 1629–1662: Friedrich Schenk von Winterstedt
- 1662–1668: Friedrich Ludwig Schenk von Winterstedt
- 1668–1695: Georg Wilhelm Schenk von Winterstedt
- –1721: Georg Ludwig Schenk von Winterstedt
- ~1748: Carl Ludwig Schenk von Winterstedt
- –1762: Ludwig Schenk von Winterstedt
- –1798: Georg Wilhelm Schenk von Winterstedt
- –1827: Carl Christian Ludwig Schenk von Winterstedt
- –1838: Christian Ludwig Friedrich Schenk von Winterstedt
Verwaltungsgeschicht
ännernDat Good hett to de Vaagdie Hittfeld in dat Amt Horborg tohöört.
Inwahnertall
ännern| Johr | Inwahners |
|---|---|
| 1848[2] | 12 Lüüd, 1 Huus |
Religion
ännernDat Good Lindhost weer evangeelsch-luthersch präägt un hett to dat Kaspel von de Mauritius-Kark in Hittfeld höört.
Footnoten
ännern- ↑ a b c d e f g Hemo-Gebäude in Lindhorst wird abgerissen, Hamburger Abendblatt an’n 31. Januar 2014
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
Koordinaten:53° 23′ N, 9° 60′ O