Hauptmenü öffnen
Goodshuus

Dat Good Oosterndörp (hoochdüütsch Gut Osterndorf) is en Eddelgood in Oosterndörp (Gemeen Beverst in’n Landkreis Cuxhoben, Neddersassen). Dat liggt an de Landsstraat 128 (Wolljeser Straat).

HistorieÄnnern

De Hoff in Oosterndörp hett toeerst de Familie von Luunbarg tohöört.[1] Nadem 1641 mit Johann von Luunbarg de Familie in de männliche Lien utstorven is, hett an’n 18. Mai 1653 Johann von Hassel den Hoff ut de Arvmass köfft.[1] He hett dat Wahnhuus utboot, den Weertschopshoff vergröttert un Braakland kultiveert.[1] Eerst dör disse Arbeiden is de Hoff so verbetert worrn, dat em an’n 3. September 1664 de Ridderschop von dat Hertogdom Bremen as Eddelgood in ehr Matrikel opnahmen hett.[1] As Johann sien Grootsöhn Johann von Hassel 1705 doodbleven is, hett de öllste Dochter, Anna von Hassel, dat Good arvt. Se harr Andreas Scharnhorst freet un so keem dat Good an de Familie Scharnhorst.[1] Na Andreas Scharnhorst sien Dood 1712 hett eerst sien Söhn Esaias von Scharnhorst dat Good arvt.[1] Aver Esaias is 1720 ahn Nakamen doodbleven un so keem dat Good an sien Broder Gustav Carl von Scharnhorst.[1] Gustav Carl is 1737 doodbleven un hett dat Good an sien Söhn Carl von Scharnhorst verarvt.[1] Nadem Carl 1760 storven is, hebbt de Arven dat Good an’n Major Burkhard Dietrich von Goeben verköfft.[1] Von Goeben is 1779 doodbleven un de Hoff is wedder verköfft worrn.[1] Dütmaal an’n Hoffraad Ernst Georg Heinrich Dieterichs.[1] De Familie Dieterichs is denn för 100 Johr Besitter von dat Good bleven.[1]

As Karl Dieterichs doodbleven is, hett Christoph Vinnen ut Bremen dat Good köfft.[1] De Familie Vinnen hett de Reederee E. C. Schramm & Co. (later F. A. Vinnen & Co.) tohöört. In de twete Hälft von dat 20. Johrhunnert hett de Familie Vinnen denn dat Good an de hüdigen Besitters, de Familie Siegel, verköfft.[1]

De öllste Söhn von Johann Christopher Vinnen weer de Maler Carl Vinnen, de veel Tied in Oosterndörp tobröcht hett un dör den dat Good besünners bekannt is.

Dat hüdige Goodshuus in’n Stil von’t Neobarock is 1904 von Johann Christopher Vinnen boot worrn.

GoodsherrnÄnnern

  • Johann von Luunbarg
  • 1653–1671: Johann von Hassel
  • 1671–1694: Johann von Hassel
  • 1694–1705: Johann von Hassel
  • 1705–1712: Andreas Scharnhorst
  • 1712–1720: Esaias von Scharnhorst
  • 1720–1737: Gustav Carl von Scharnhorst
  • 1737–1760: Carl von Scharnhorst
  • Burkhard Dietrich von Goeben
  • Ernst Georg Heinrich Dieterichs
  • Carl Georg Friedrich Dietrichs
  • Karl Dieterichs
  • Christoph Vinnen
  • –1912: Johann Christopher Vinnen
  • ~1950: Wolfgang Vinnen

VerwaltungsgeschichtÄnnern

De Oort hett vör 1851 to de Huusvaagdie Beverst von dat Gericht Beverst tohöört un von 1851 bet 1859 to dat Amt Beverst. Von 1859 bet 1885 weer dat in’t Amt Leh. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort Oosterndörp is an’n 1. März 1974 mit de Gemeenreform in Neddersassen Deel von de Gemeen Beverst worrn. An’n 1. November 2011 is de ole Gemeen Beverst un de Samtgemeen Beverst denn as Eenheitsgemeen Beverst tohoopgahn.

InwahnertallÄnnern

Johr Inwahners
1848-00-001848[2] 19 Lüüd. 2 Hüüs

ReligionÄnnern

Dat Good is evangeelsch-luthersch präägt un höört to dat Kaspel von de Fabian-un-Sebastian-Kark in Beverst.

FootnotenÄnnern