Gorkum

Gorkum (hollandsch Gorinchem) is en Stadt in de Gemeen Gorkum in de Provinz Süüd-Holland in Holland in de Nedderlannen. Se liggt in'n westlichen Deel vun Süüd-Holland. Dalem un De Kooi sünd de anneren Öörd in de Gemeen, de 36.003 Inwahners hett (2017). De Vörwahl is 0183. Tweeemol in de Week is dor Markt. De Stadt hett vele Buslienen.

Geschicht

Gorkum, Bedüden Heim van de Goringa, de Minschen van Goro (Egennaam), is wahrschienlich üm't Johr 1000 entstunn. Gorkum worr 1124 dat eerste Mol nöömt, in en Oorkonn vun Graf Floris IV.. 1273 hett Jan II. van Arkel dat Dörp vun den Grafen vun Bentheim köfft. 1382 worr dörch Otto van Arkel Gorkum en Stadt. Se worr dörch de Laag an de Grenz vun Holland un Geldern un nich wiet vun Brabant un Utrecht en Fastensstadt mit starke Warken vun't Verdeffendern. In 1417 worr de Stadt vun Holland innehmen. Se weer Liddmaat vun de Hanse. 1566 geev dat den eersten protestantschen Gottsdienst. Bi den Tachtigjahrigen Krieg warr se 1572 al fröh vun de Watergeusen un Willem van Oranien innehmen. In 1673 worr se Deel vun de Hollandsche Waterlien. Water weer en wassen Problem vun Gorkum, ok Överswemmen.