Gregor II. (Paapst)
Gregor II. (* 669 in Rom; † 11. Februar 731 ok dor) weer Paapst van 715 bit 731. He weer de Söhn vun Marcellus ut de Familie vun de Savelli.
He wurr 669 in Rom boren. Ünner Paapst Sergius I. wurr he päpstlich Bibliothekar, an‘ 19. Mai 715 wurr he Paapst.
Bedüüdend is he dordör, dat he Bonifatius 719 mit de Missioneerung vun Düütschland beupdragt hett. 722 hett he hüm to’n Bischop ernannt. Buterdem betoon he in en Schrieven an Karl Martell, dat he Bonifatius mitgeev, de good Beziehungen tüschen Rom un den Franken. Mit Byzanz geev dat in disse Tiet stark Utnannersetten wegen hooch Tributforderungen vun den Kaiser.
Gregor II. is an‘ 11. Februar 731 storven. He wurrd as Hilliger verehrt. Sien lithurgisch Gedenkdag is in‘ Martyrologium Romanum de 13. Februar.
| Vörgänger | Amt | Nafolger |
| Konstantin I. | Paapst 715 - 731 |
Gregor III. |
Literatur
ännern- Friedrich Wilhelm Bautz över Gregor II. in dat Biographisch-Bibliographisches Kirchenlexikon (BBKL)
- Rudolf Schieffer: Gregor II. In: Lexikon des Mittelalters, Bd. 4 (1989) Sp. 1666–1667.
