Grevelau
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21423 | |
| Vörwahl: | 04171 | |
| Geograafsche Laag: | Koordinaten:53° 21′ N, 10° 11′ O53° 21′ N, 10° 11′ O | |
|
| ||
Grevelau (hoochdüütsch Grevelau) is en Oort in de Gemeen Winsen in’n Landkreis Horborg, Neddersassen. De Oort höört polietsch al von öllers bi Scharmbääk mit bi.
Geografie ännern
De Naveröörd sünd Hoopt un Stöckt in’n Noorden, Winsen in’n Noordoosten, Reidörp un Luhdörp in’n Süüdoosten, Parrns un Scharmbääk in’n Süüdwesten un Ashusen un Gehrden in’n Noordwesten.
Historie ännern
Grevelau is as Afbo von Scharmbääk ut grünnt worrn.
Verwaltungsgeschicht ännern
De Oort hett vör 1885 to de Vaagdie Parrns in dat Amt Winsen tohöört. In de Tied von 1852 bet 1859 weer dat Rebeed kort in dat Amt Parrns. Na 1885 weer dat in’n Kreis Winsen un is 1932 Deel von’n Kreis Horborg worrn.
De Oort is an’n 1. Juli 1972 as Deel von de Scharmbääk mit de Gemeenreform in Neddersassen an de Gemeen Winsen kamen.
Religion ännern
Grevelau is evangeelsch-luthersch präägt un höört to dat Kaspel von de Gertrud-Kark in Parrns.
För de Kathoolschen is de Goden-Hirt-Kark in Winsen tostännig.
Kultur ännern
Verenen ännern
De Peersportvereen Grevelau is an’n 17. April 1988 grünnt worrn.
Weertschop un Infrastruktur ännern
Verkehr ännern
De Dörpstraat dör Grevelau löppt in’n Süüdwesten na Scharmbääk an de Kreisstraat 8 ran un in’n Noordoosten in Winsen an de Landsstraat 234.
De nächste Autobahn is de Autobahn 39 (Afsnidd Hamborg–Lümborg). De Opfohrt 3 Winsen-West liggt so veer Kilometer in’n Westen von Grevelau an de K 8/L 217 un de Opfohrt 4 Winsen-Oost veer Kilometer in’n Süüdoosten an de K 84.
De nächste Bahnhoff is so bi twee Kilometer wied weg in’n Oosten de Bahnhoff Winsen an de Bahnlien Hamborg–Hannover. De Bahnlien geiht direkt an’n Oort langs.