Groot

Groot is en plattdüütschen Familiennaam. De Naam kummt vun dat Adjektiv groot un höört to de Naams, de dat Utsehn vun jemehrn eersten Dreger beschreven hebbt. De eerste Mann, de den Naam kregen harr, weer en temlich langen Keerl.

Varianten vun dissen Naam sünd blangen Groot ok Groth, Grote, Grothe un Grot.

Disse Afsnitt betüht sik op de amtliche Schrievwies na dat Hoochdüütsche. De Schrievwies Groot is vör allen in Oostfreesland veel to finnen. Groth heet veel Lüüd in Sleswig-Holsteen un dor vör allen in Dithmarschen. Ok in Mekelborg-Vörpommern gifft dat veel Groths. Grote hett sien Zentrum as Naam in Westfalen, Neddersassen un ok in Bremen. In Sassen-Anholt un Brannenborg kummt de Form Grothe veel vör. De Variant Grot is meist blot in dat Hertogdom Loonborg to finnen. An De Süüdkant vun dat plattdüütsche Spraakrebeet in Sassen-Anholt un Brannenborg hett de hoochdüütsche Form Große den Vörrang. De hoochdüütsche Schrievwies Groß verdeelt sik liek över dat gesamte Rebeet un meist weniger faken as de plattdüütsche Luudform.