Grundschool Siemswold

De Grundschool Siemswold is de Grundschool in dat Dörp Siemswold in den Landkreis Auerk in Oostfreesland. Blangen de Siemswolder gaht ok de Kinners ut Ihlowerfehn op de School. Alltohoop sünd dat 189 Schölers in de Klassen 1 bet 4. Lehrers gifft dat bi teihn.

De Grundschool Siemswold hett vun 2001 af an bet 2003 toeerst dat Ünnerrichten op Plattdüütsch utprobeert. In Mathematik, Saakünnerricht, Religion un Kunst hett de Lehrerin Grete Saathoff ehr Schölers allens op Platt vertellt. Bi dissen Test hulpen hett de Oostfreesch Landschop. 2006 hebbt se dat noch wedder in ene vun de twee eersten Klassen utprobeert un dat schall nu opminnst bet 2010 wiederlopen, dat disse Klass ok Ünnerricht op Platt hett.


Koordinaten:53° 22′ N, 7° 24′ O